జాతీయ వార్తలు
అక్రమార్కులకు అండగా నిలిచించి మీరే
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, డిసెంబర్ 6: అగస్టా హెలికాప్టర్ల కొనుగోలు కేసులో అరెస్టయిన మధ్యవర్తి క్రిస్టియన్ మిచెల్‌తో కాంగ్రెస్‌కు సంబంధాలు అంటగట్టడం దయ్యాలు వేదాలను వల్లించినట్టుగా ఉందని, బీజేపీకి చెందిన పలువురు నేతలు అనేక కేసుల్లో అక్రమార్కులుగా ఉన్న విషయాన్ని ఆ పార్టీ మరచిపోయిందని కాంగ్రెస్ ధ్వజమెత్తింది. ఆ పార్టీ అధికార ప్రతినిధి జైవీర్ షెర్గిల్ గురువారం విలేఖరులతో మాట్లాడుతూ 3600 కోట్ల వీవీఐపి అగస్టా హెలికాప్టర్ల కొనుగోలులో మధ్యవర్తిగా వ్యవహరించిన మిచెల్‌ను దుబాయ్ నుంచి మంగళవారం మనదేశానికి తీసుకువచ్చిన నేపథ్యంలో అతని తరఫున కోర్టుకు హాజరైన కాంగ్రెస్ యూత్ నేత, న్యాయవాది ఆల్జో కె.జోసఫ్‌ను పార్టీ నుంచి బహిహ్కరించినట్టు చెప్పారు. అయితే జోసఫ్ తమ పార్టీకి చెందిన వాడంటూ కుంభకోణం మకిలిని కాంగ్రెస్‌కు అంటగట్టడానికి బీజేపీ ప్రయత్నిస్తోందని ఆరోపించారు. వాస్తవానికి ఆ పార్టీకి చెందిన నేతలే అవినీతిపరులకు సలహాదారులుగా, న్యాయవాదులుగా, బోర్డింగ్ పాస్, టికెట్ ఏజెంట్లు, పోలీస్‌ల నుంచి రక్షణ ఏజెంట్లుగా వ్యవహరించారని విమర్శించారు. ఆర్థిక మంత్రి అరుణ్‌జైట్లీ కుటుంబ సభ్యులు మెహల్ ఛోక్సీ నుంచి ఫీజు తీసుకోలేదా? కేంద్ర మంత్రి రవిశంకర్ సుబ్రతారాయ్ తరఫున, వసుంధర రాజె లండన్‌లోని లలిత్‌మోదీ తరఫున అఫిడవిట్ దాఖలు చేయలేదా అని ఆయన ప్రశ్నించారు. అలాగే స్టాక్‌బ్రోకర్ కేతర్ పరేఖ్ తరఫున జైట్లీ ప్రాతినిధ్యం వహించలేదా అని అన్నారు. ఇన్ని లోపాలు తమపై పెట్టుకున్న బీజేపీ వారు తమపై విమర్శలు చేయడం అర్థరహితమని ఆయన అన్నారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.