రాష్ట్రీయం
పోలీస్ సంస్కరణలు అనివార్యం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, సెప్టెంబర్ 27: ప్రతి దేశానికి అంతర్గత, బహిర్గత సమస్యలుంటాయని, వీటిని ఎదుర్కోవడంలో పోలీస్ భద్రత ప్రధానమైందని, దీనికి పోలీస్ శాఖలో సంస్కరణలు అనివార్యమని ఉత్తరప్రదేశ్, అస్సాం మాజీ డిజిపి ప్రకాష్ సింగ్ అన్నారు. మంగళవారం రావుబహదూర్ వెంకటరామిరెడ్డి తెలంగాణ రాష్ట్ర పోలీస్ అకాడమీ ఏర్పాటు చేసిన ప్రొఫెసర్ వేణుగోపాల్ రావు స్మారక ఉపన్యాసంలో ‘పోలీస్ సంస్కరణలు-అంతర్గత భద్రత’పై ఆయన ముఖ్య అతిథిగా పాల్గొని ప్రసంగించారు. ‘్భరతదేశం స్వాతంత్రం సిద్ధించిన మూడేళ్లలోనే ఒకవైపు మనం ఎలా అభివృద్ధి చెందాలో ప్రణాళికలు వేస్తూ, మరోవైపు పాకిస్తాన్ నుండి వచ్చిన కాందిశీకుల పునరావాసంలో ప్రభుత్వం పనిచేస్తుంటే, మరోవైపు ఈశాన్య రాష్ట్రాల్లో అప్పటికే అభద్రతా భావం ఏర్పడి నాగాలాండ్‌తో సహ మిజోరాం, మేఘాలయలో ఉద్యమాలు జరిగాయి.
1960 ప్రాంతంలో వామపక్ష భావజాలంతో నక్సల్స్ పోరాటం ప్రారంభం కావడం, 1970లో ఉల్ఫా ఉద్యమంతో అస్సాం రాష్ట్రం అట్టుడికి పోవడం, 1980 ప్రాంతంలో ఖలిస్తాన్ పేరుతో పంజాబ్‌లో తీవ్రవాదం పెరిగిపోవడం, అనంతరం అనేక పేర్లతో అంతర్జాతీయ ఉగ్రవాదం దేశాన్ని అతలాకుతలం చేస్తున్నాయి’ అని అన్నారు. వీటి నుంచి ఎదుర్కోవాలంటే పోలీస్ సంస్కరణలు అవసరమని ప్రకాష్ సింగ్ అన్నారు. దేశంలోని 120 కోట్ల జనాభాకు నిష్పత్తి ప్రకారంగా చూస్తే..ఒక లక్ష మందికి ప్రస్తుతం 139 పోలీసులు మాత్రమే ఉన్నారని, సుమారు 50 లక్షల పోలీస్ ఉద్యోగాలు ఖాళీగా ఉన్నాయన్నారు. పోలీస్ శాఖలోని ఖాళీలు భర్తీ చేసి వారికి కనీస వౌలిక సదుపాయాలైన వాహనాలు, టెక్నాలజీ, హౌసింగ్, పని గంటలు, మంచి శిక్షణ వంటివి అందిస్తే పనిలో వేగం పెరుగుతుందన్నారు. ఈ కార్యక్రమానికి అధ్యక్షత వహించిన తెలంగాణ డిజిపి అనురాగ్‌శర్మ మాట్లాడుతూ తెలంగాణ కొత్త రాష్టమ్రైనప్పటికీ మిగతా రాష్ట్రాల్లో లేనివిధంగా ఎన్నో వసతులు ఇక్కడి పోలీసులు పొందుతున్నారన్నారు. ఇందుకు ప్రత్యేక నిధులు కేటాయించి పోలీస్ శాఖ పటిష్టతకు కృషి సల్పుతున్న ముఖ్యమంత్రికి కృతజ్ఞతలు తెలిపారు.
ప్రకాష్ సింగ్ తమ ఉపన్యాసంలో పేర్కొన్న షార్ట్ఫాల్స్ తెలంగాణలో ఎక్కువగా లేవన్నారు.
chitram...
పోలీస్ సంస్కరణలు-అంతర్గత భద్రతపై జరిగిన సదస్సులో
ప్రసంగిస్తున్న యుపి, అస్సాం మాజీ డిజిపి ప్రకాష్‌సింగ్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.