రాష్ట్రీయం
జోనల్ రద్దు లేనట్టే!
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జనవరి 22:జోనల్ విధానం రాజ్యాంగ సవరణతో ముడివడిన అంశం కావడంతో దీనిని రద్దు చేయడం ఇప్పట్లో సాధ్యిం కాదనే నిర్ణయానికి ప్రభు త్వం వచ్చినట్టు తెలుస్తోంది. జోనల్ వ్యవస్థ రద్దు అంత సులువు కాకపోవడంతో మరికొంత కాలం ప్రస్తుత విధానానే్న కొనసాగించడం ఉత్తమమని రాజ్యాంగ నిపుణులు, న్యాయ నిపుణులు ప్రభుత్వానికి సూచించారు. దీంతో ప్రస్తుత జోనల్ విధానం ప్రకారమే ఉద్యోగ నియామకాలు జరపాలని తెలంగాణ పబ్లిక్ సర్వీసు కమిషన్‌ను ప్రభుత్వం ఆదేశించింది. జోనల్ విధానాన్ని రద్దు చేయకుండా స్టేట్, డిస్ట్రిక్ట్ కేడర్‌గా పోస్టులు విభజించి నోటిఫికేషన్ జారీ చేయడం సాధ్యం కాదని టిఎస్‌పిఎస్‌సి రాష్ట్ర ప్రభుత్వం దృష్టికి తీసుకువచ్చింది. వ్యవసాయ అధికారుల నియామకాలను సవాల్ చేస్తూ కాంట్రాక్టు ఉద్యోగులు హైకోర్టును ఆశ్రయించగా ఈ ప్రక్రియ నిలిచిపోయిన విషయం తెలిసిందే. దీనిపై హైకోర్టు ఇటీవల తీర్పు వెలువరించిన సందర్భంగా టిఎస్‌పిఎస్‌సి చైర్మన్ ఘంటా చక్రపాణి సిఎం కెసిఆర్‌తో సమావేశమయ్యారు. ఈ సందర్భంగా జోనల్ విధానం రద్దు అంశం చర్చకు రాగా దీనిని రద్దు చేయడం భారీ ప్రక్రియతో కూడుకుందని, అప్పటివరకు ఆగాలంటే ఉద్యోగ నియామకాలన్నీ నిలిచిపోయే ప్రమాదం ఉండటంతో ప్రస్తుత (జోనల్) విధానాన్ని కొనసాగించడమే ఉత్తమమని ముఖ్యమంత్రి స్పష్టం చేసినట్టు సమాచారం. జోనల్ విధానాన్ని రద్దు చేయాలంటే మొదట ఈ మేరకు తెలంగాణ, ఆంధ్రప్రదేశ్ రాష్ట్రాల శాసనసభలలో తీర్మానం చేసి కేంద్ర హోంశాఖకు పంపించాల్సి ఉంటుంది. ఈ తీర్మానంపై సాధ్యాసాధ్యాలను పరిశీలించి రాజ్యాంగపరంగా ఎలాంటి ఇబ్బంది ఉండదని హోంశాఖ నిర్థారణకు రావాల్సి ఉంటుంది. ఆ తర్వాత హోంశాఖ ఈ తీర్మానాన్ని ఆమోదించాలని పార్లమెంట్‌కు నివేదిస్తుంది. రాజ్యాంగంలోని 371డి ప్రకారం ఏర్పడిన జోనల్ వ్యవస్థ రద్దుకు పార్లమెంట్‌లో మూడింట రెండు వంతుల మెజార్టీ అవసరం అవుతుంది. పూర్తిస్థాయిలో మెజార్టీతో రాజ్యాంగ సవరణను పార్లమెంట్ ఆమోదించిన పిమ్మట చివరగా రాష్టప్రతి ఆమోదానికి పంపిస్తుంది. రాష్టప్రతి ఉత్తర్వులతో ఏర్పడిన జోనల్ వ్యవస్థ తిరిగి రాష్టప్రతి ఉత్తర్వులతోనే రద్దు కావాల్సి ఉంటుంది. ఇటు తెలంగాణ శాసనసభ, అటు ఆంధ్రప్రదేశ్ శాసనసభ రెండు రాష్ట్రాలు జోనల్ వ్యవస్థ రద్దుకు తీర్మానం చేస్తాయా అన్నది కూడా ప్రశ్నార్థకమే. ఉమ్మడి రాష్ట్రంలో తెలంగాణ ప్రాంత అభ్యర్థులకు అన్యాయం జరుగకుండా జోనల్ వ్యవస్థ గతంలో ఏర్పాటైంది. తెలంగాణ రాష్ట్రం ఏర్పడ్డాక ఇక జోనల్ వ్యవస్థతో పని లేదని సిఎం భావిస్తున్నారు. జోనల్ వ్యవస్థను రద్దు చేయబోతున్నట్టు కూడా ఆయన ఇటీవల ప్రకటించారు. అయితే ఈ ప్రకటన అనంతరం జోనల్ వ్యవస్థ రద్దు అంత సులువు కాదని న్యాయ నిపుణులు సలహా ఇచ్చారు. హైదరాబాద్ ఉమ్మడి రాజధానిగా పది సంవత్సరాల పాటు కొనసాగుతుందని రాష్ట్ర విభజన చట్టంలో పేర్కొన్న సంగతి తెలిసిందే. అప్పటివరకూ తెలంగాణలో... ముఖ్యంగా రాజధాని హైదరాబాద్‌లో జరిగే నియామకాలకు ఆంధ్రప్రదేశ్‌కు చెందిన అభ్యర్థులకు కూడా పోటీ పడే అవకాశం ఉన్నప్పుడు జోనల్ వ్యవస్థ రద్దుకు ఆంధ్రప్రదేశ్ రాష్ట్రం తీర్మానం చేయడానికి ముందుకు రాకపోవచ్చన్న మరో వాదన ఉంది. ఈ నేపథ్యంలో జోనల్ వ్యవస్థ రద్దు ఇప్పట్లో సాధ్యపడేది కాదని ప్రభుత్వం నిర్ణయానికి వచ్చింది. దీంతో ఉద్యోగాల భర్తీని ప్రస్తుత జోనల్ విధానం ప్రకారమే కొనసాగించాలని టిఎస్‌పిఎస్‌సికి ప్రభుత్వం వౌఖికంగా సూచించినట్టు సమాచారం.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.