సెన్సార్‌లో నీ ఊహల్లోనే ఉంటా!

నూతన తారలు మనోజ్ నందన్, భారతి జంటగా కె.పి.ఆర్ క్రియేషన్స్ పతాకంపై పురందర్ దాస్ స్వీయ దర్శకత్వంలో రూపొందించిన చిత్రం ‘నీ ఊహల్లోనే ఉంటా’. షూటింగ్ పూర్తిచేసి నిర్మాణానంతర కార్యక్రమాల్లో భాగంగా సెన్సార్ జరుపుతున్నారు. ఈ సందర్భంగా పురందరదాస్ మాట్లాడుతూ- ‘రాయలసీమలో జరిగిన యధార్థ సంఘటనల ఆధారంగా ఈ చిత్రాన్ని రూపొందించామని తెలిపారు. ఓ కుర్రాడు తన మిత్రులకు జరిగిన అన్యాయంపై ఏ విధంగా పోరాటం చేశాడనే కథనంతో, ప్రతి సన్నివేశం వైవిధ్యంగా తీర్చిదిద్దిన ఈ సినిమా అందరికీ నచ్చుతుందని తెలిపారు. అనంతపురం, ధర్మవరం తదితర ప్రాంతాల్లో షూటింగ్ చేసిన ఈ చిత్రంలో లవ్, కామెడీ, సస్పెన్స్ ఎలిమెంట్స్ ఉన్నాయని, బెంగళూరు గోపాల్‌ను విలన్‌గా పరిచయం చేస్తున్నామని తెలిపారు. గోపాల్, శ్రావణి, ఆదినారాయణ, మంజునాధ్, హిందునాధ్, నవీన్, మహేందర్, కె.ఆర్.రెడ్డి తదితరులు నటిస్తున్న ఈ చిత్రానికి సంగీతం:రాజ్‌కిరణ్, కెమెరా:ఎస్.కె.ఎమ్.షరీఫ్, ఎడిటింగ్:శివకిరణ్, కథ, మాటలు, పాటలు, స్క్రీన్‌ప్లే, నిర్మాత, దర్శకత్వం:పురందర్‌దాస్.కె.