పొచెస్‌ట్రూమ్ (దక్షిణాఫ్రికా), ఫిబ్రవరి 4: అండర్-19 ప్రపంచకప్ సెమీ ఫైనల్‌లో యువ భారత్ అద్భుతం చేసింది. ప్రత్యర్థి జట్టుపై అటు బౌలింగ్, ఇటు బ్యాటింగ్‌లో ఏకపక్షంగా ఆధిపత్యం చెలాయంచి సగర్వంగా ఫైనల్‌కు దూసుకెళ్లింది. మంగళవారం జరిగిన సెమీ ఫైనల్‌లో ముందుగా టాస్ గెలిచి బ్యాటింగ్‌కు దిగిన దాయాది జట్టును టీమిండియా బౌలర్లు హడలెత్తించారు. నిప్పులు చెరిగే బంతులు వేసి వారిని కట్టడి చేశారు.

పటియాల, ఫిబ్రవరి 4: రంజీట్రోఫీ 2019-20లో భాగంగా మంగళవారం పంజాబ్-ఆంధ్రా జట్ల మధ్య ప్రారంభమైన మ్యాచ్‌లో ఒకేరోజు 24 వికెట్లు పడ్డాయ. అంతకుముందు టాస్ గెలిచి బ్యాటింగ్‌కు ఆంధ్రా జట్టు 97 పరుగులకు కుప్పకూలింది. జట్టులో బోడపాటి సుమంత్ (22) అత్యధిక స్కోరర్‌గా నిలవగా, కేవీ శశికాంత్ (20), షోయాబ్ మహ్మద్ ఖాన్ (16, నాటౌట్), కరణ్ షిండే (16), కెప్టెన్ రికీ భుయ్ (11) మాత్రమే రెండంకెల స్కోరు చేశారు.

పోచఫ్‌స్ట్రూమ్ (దక్షిణాప్రికా), ఫిబ్రవరి 3: అండర్-19 ప్రపంచ కప్ పోటీల్లో నాలుగు సార్లు చాంపియన్లుగా నిలిచిన భారత జూనియర్ క్రికెట్ జట్టు ఈ దఫా మళ్లీ ఫైనల్స్‌కు చేరుకునేందుకు తహతహలాడుతోంది. ఈక్రమంలోనే చిరకాల ప్రత్యర్థి పాకిస్తాన్ జట్టుతో మంగళవారం తొలి సెమీ ఫైనల్‌లో తలపడుతోంది. ఈ టోర్నీలో మొత్తం సెమీస్‌కు నాలుగు జట్లు చేరుకున్న సంగతి తెలిసిందే.

ముంబయి, ఫిబ్రవరి 3: న్యూజీలాండ్ గడ్డపై భారత్ సాధించిన టీ 20 సిరీస్ 5-0 విజయం ఒక ‘గొప్ప లక్ష్య సాధన’గా మాజీ ఫాస్ట్ బౌలర్ జహీర్ ఖాన్ అభివర్ణించాడు. బుధవారం నుంచి ప్రారంభం కానున్న మూడు మ్యాచ్‌ల వన్‌డే సిరీస్‌లోనూ భారత జట్టు అదే ఊపును కొనసాగించాలని సూచించాడు. అన్ని రంగాల్లోనూ ఆధిపత్యం ప్రదర్శించిన భారత జట్టు న్యూజీలాండ్‌ను ‘వైట్‌వాష్’ చేసిందని జహీర్ కొనియాడాడు.