ముంబయి, జనవరి 12: టీమిండియా సీనియర్ వికెట్ కీపర్ మహేంద్రసింగ్ ధోనీలా మ్యాచ్‌లను ఫినిష్ చేయాలని అనుకుంటున్నానని ఆస్ట్రేలియా వికెట్ కీపర్ అలెక్స్ క్యారీ పేర్కొన్నాడు. ఈ సందర్భంగా క్యారీ మాట్లాడుతూ ధోనీ అద్భుతమైన మ్యాచ్ ఫినీషరని, చివరి వరకు క్రీజు లో ఉండి, జట్టును గెలిపిస్తాడన్నాడు. తాను కూడా అలాగే ఆడాలనుకుంటు న్నానని, అందుకు తన బ్యాటింగ్‌లో కొన్ని మార్పులు చేసుకోవాల్సి ఉం టుందన్నాడు.

ముంబయ, జనవరి 12: ఈ ఏడాది ఫిబ్రవరి 21 నుంచి జరగనున్న ఐసీసీ మహిళల టీ20 ప్రపంచకప్‌కు టీమిండియా ఆదివారం తమ జట్టును ప్రకటించింది. కెప్టెన్‌గా హర్మన్‌ప్రీత్ కౌర్‌తో పాటు, మేనేజ్‌మెంట్ మరో 14 మందితో కూడిన జట్టును ప్రకటించిం ది. జట్టులో అంతా దాదాపు ఆడినవారే ఉండగా, రిచా ఘోష్ కొత్తముఖం. ఇటీవల జరిగిన వుమెన్స్ చాలెంజర్స్ ట్రోఫీలో రిచా అద్భుతంగా రాణించడంతో ప్రపంచకప్ తుది జట్టులో చోటు దక్కింది.

ఒంగోలు, జనవరి 12: రంజీట్రోఫీలో భాగంగా హైదరాబాద్‌తో జరుగుతున్న మ్యాచ్‌లో సీఆర్ జ్ఞానేశ్వర్ అర్ధ సెంచరీ, ప్రశాంత్ కుమార్ సెంచరీ సాధించడంతో ఆంధ్రా జట్టుకు 12 పరుగుల ఆధిక్యం లభించింది. ఓవర్ నైట్ స్కోర్ 13 పరుగులతో రెండో రోజు ఆదివారం బ్యాటింగ్‌కు దిగిన ఆంధ్రా ఓపెనర్లు చూడచక్కని షాట్లతో రాణించారు. వీరిద్దరూ కలిసి మొదటి వికెట్‌కు 159 పరుగుల భాగస్వామ్యాన్ని జట్టుకు అందించారు.

పుణె: ఈ ఏడాది జరిగే టీ20 ప్రపంచకప్‌కు ముందు టీమిండియాను సరికొత్త సమస్య వెంటాడుతోంది. అవకాశం వచ్చిన ఆటగాళ్లంతా తమను తాము నిరూపిం చుకోవడంతో జట్టు కూర్పు కష్టతంగా మా రింది. దీంతో ప్రపంచకప్‌కు ఎవరినీ ఎంపిక చేయాలో తెలియక జట్టు మేనేజ్‌మెంట్ సత మతమవుతోంది.