బెంగళూరు: గత ఏడాది టెస్టు హోదాను సంపాదించిన అఫ్గానిస్తాన్ మొదటి మ్యాచ్‌లో చిత్తయింది. భారత్‌తో ఇక్కడి చిన్నస్వామి స్టేడియంలో గురువారం టెస్టు క్రికెట్‌లో అరంగేట్రం చేసిన ‘పసికూన’ అఫ్గాన్ రెండో రోజునే ఇన్నింగ్స్ 262 పరుగుల భారీ తేడాతో ఓటమిపాలైంది. ఒకే రోజు అఫ్గాన్ రెండు ఇన్నింగ్స్ ముగియడం ఈమ్యాచ్ ఏకపక్షంగా సాగిందనడానికి నిదర్శనం.

ఎకతెరినబర్గ్, జూన్ 15: ఈసారి ప్రపంచ కప్ సాకర్ చాంపియన్‌షిప్‌లో మొదటి మ్యాచ్ హుషారుగా సాగితే, రెండో మ్యాచ్ ప్రేక్షకుల సహనానికి పరీక్ష పెట్టింది. గురువారం సౌదీ అరేబియాను రష్యా 5-0 తేడాతో చిత్తు చేస్తే, శుక్రవారం నాటి మొదటి మ్యాచ్‌లో ఉరుగ్వే అతి కష్టం మీద ఈజిప్టుపై 1-0 తేడాతో గెలిచింది. జొస్ గిమెనెజ్ చివరి క్షణాల్లో సాధించిన గోల్‌తో మాజీ చాంపియన్ ఉరుగ్వే ఈసారి పోటీల్లో బోణీ చేసింది.

మాస్కో, జూన్ 15: వరల్డ్ కప్ సాకర్‌ను చూసేందుకు వివిధ దేశాల నుంచి వచ్చే అభిమానులను రష్యాలో ఆకాశాన్నంటుతున్న ధరలు ఇబ్బందులకు గురి చేస్తున్నాయ. ప్రత్యేకించి బస కోసం కష్టాలు తమ్మడం లేదు. దొరికిన అవకాశాన్ని సద్వినియోగం చేసుకొని, నాలుగు రాళ్లు వెనకేసుకోవాలనే ఉద్దేశంతో చాలా మంది ఇళ్ల యజమానులు అద్దెను విపరీతంగా పెంచేశారు. ఈ పోటీలు జరుగుతున్న 11 నగరాల్లో హోటళ్లు ఇప్పటికే దాదాపుగా నిండిపోయాయి.

సెయంట్‌పీటర్స్‌బర్గ్, జూన్ 15: మొరాకోతో జరిగిన మ్యాచ్‌ని ఇరాన్ 1-0 తేడాతో సొంతం చేసుకుంది. అయతే, అది ఇరాన్ గొప్పతనంకాదు. మొరాకో ఆటగాడు అజీజ్ బౌహాడొన్జ్ ఓన్‌గోల్ చేసి, ప్రత్యర్థిని గెలిపించాడు. శుక్రవారం నాటి మొదటి మ్యాచ్ మాదిరిగానే రెండో మ్యాచ్ కూడా చప్పగా సాగింది. ఇరు జట్లు అంతులేని డిఫెన్స్‌ను అనుసరించి, మ్యాచ్‌లో జీవాన్ని చంపేశాయ. ప్రథ మార్ధంతోపాటు, ద్వితీయార్ధంలోనూ గోల్స్ నమోదుకాలేదు.