మాస్కో, జూన్ 10: ప్రపంచ కప్ సాకర్ చాంపియన్‌షిప్‌ను ఈసారి ఎవరు కైవసం చేసుకుంటారన్న ప్రశ్నకు భిన్నాభిప్రాయాలు వినిపిస్తున్నాయి. విభిన్నమైన విశే్లషణలు తెరపైకి వస్తున్నాయి. క్వాలిఫయింగ్ రౌండ్‌ను పూర్తి చేసుకొని, మెయిన్ డ్రాకు అర్హత సంపాదించడమే ఒక అద్భుతం. అందుకే, పోటీలో ఉన్న 32 జట్లలో దేనినీ తక్కువ అంచనా వేయడానికి వీల్లేదు.

కౌలాలంపూర్, జూన్ 10: మహిళల ఆసియా కప్ టీ-20 ట్రోఫీని బంగ్లాదేశ్ కైవసం చేసుకుంది. ఆదివారం జరిగిన ఫైనల్‌లో ఈ జట్టు భారత్‌పై మూడు వికెట్ల తేడాతో ఘన విజయాన్ని నమోదు చేసుకుంది. ఈ వారంలో ఇదే జట్టుపై హర్మన్‌ప్రీత్ కౌర్ నాయకత్వంలోని భారత్ సేన రెండుసార్లు ఓటమిని చవిచూసింది. భారత్ జట్టులో కెప్టెన్ మినహా మరే ఇతర క్రికెటర్ ఆశించిన స్కోరును సాధించడంలో పూర్తిగా విఫలమయ్యారు.

లండన్: రష్యాలో ప్రపంచ కప్ చాంపియన్‌షిప్‌ను చూసేందుకు వెళ్లే అభిమానులను జాగ్రత్తగా ఉండాలని, దాడు లు జరిగే ప్రమాదం ఉందని ఇంగ్లాండ్ అధికారులు హెచ్చరించారు. గతంలో జరిగిన పలు సంఘటనలను దృష్టిలో ఉంచుకొని, ఇంగ్లాండ్ అభిమానులపై దాడులు జరగవచ్చని బ్రిటన్ పార్లమెంటరీ కమిటీ తన నివేదికలో అనుమానం వ్యక్తం చేసింది.

మాస్కో, జూన్ 9: రష్యా అధక్షుడు వ్లాదిమీర్ పుతిన్ ఈనెల 14 నుంచి ప్రారంభం కానున్న ప్రపంచ కప్ సాకర్ చాంపియన్‌షిప్‌కు వచ్చే 32 జట్ల ఆటగాళ్లు, అధికారులతోపాటు, లక్షలాది మంది అభిమానులకు సాదర స్వాగతం పలికాడు. ‘ప్రతి ఒక్కరూ తమతమ స్వదేశాల్లో ఉన్నట్టుగానే రష్యాలో సంతోషంగా ఉంవచ్చు. అందుకు అవసరమైన అన్ని ఏర్పాట్లు పూర్తి చేశాం’ అని తన వీడియో సందేశంలో పేర్కొన్నాడు.