గోల్డ్ కోస్ట్, ఏప్రిల్ 9: భారత స్టార్ షూటర్ జీతూ రాయ్ తన అద్వితీయ ప్రతిభాపాటవాలను మరోసారి రుజువు చేసుకున్నాడు. గురి తప్పని అతను ఇక్కడ జరుగుతున్న కామనె్వల్త్ గేమ్స్ పురుషుల షూటింగ్ 10 మీటర్ల ఎయిర్ ఈవెంట్‌లో స్వర్ణ పతకం సాధించడంతోపాటు కొత్త గేమ్స్ రికార్డును నెలకొల్పాడు. అతని సహచరుడు ఓం ప్రకాశ్ మిథర్వాల్ కాంస్య పతకాన్ని అందుకున్నాడు. ఆస్ట్రేలియాకు చెందిన కెర్రీ బెల్ రజత పతకం కైవసం చేసుకున్నాడు.

గోల్డ్ కోస్ట్, ఏప్రిల్ 9: కామనె్వల్త్ గేమ్స్ టేబుల్ టెన్నిస్ టీం ఈవెంట్‌లో భారత్ క్లీన్ స్వీప్ చేసింది. మహిళల విభాగంలో మహిళల జట్టు ఇది వరకే స్వర్ణ పతకాన్ని కైవసం చేసుకోగా, సోమవారం నాటి పోరులో పురుషుల జట్టు 3-0 తేడాతో నైజీరియాను చిత్తుచేసింది. టీం ఈవెంట్స్‌లో రెండు టైటిళ్లనూ భారత్ దక్కించుకోవడం విశేషం.

గోల్డ్ కోస్ట్, ఏప్రిల్ 9: కామనె్వల్త్ గేమ్స్ బాడ్మింటన్ మిక్స్‌డ్ టీమ్ ఈవెంట్‌లో భారత్‌కు స్వర్ణ పతకం లభించింది. ఈ విభాగంలో భారత్ విజేతగా నిలవడం ఇదే మొదటిసారి. మలేసియాతో ఆదివారం జరిగిన ఫైనల్‌లో 3-1 తేడాతో విజయభేరి మోగించిన భారత్ తనకు ఎదురులేదని నిరూపించింది. అంతకు ముందు సెమీ ఫైనల్‌లో డిఫెండింగ్ చాంపియన్ సింగ్‌పూర్‌పై సంచలన విజయాన్ని నమోదు చేసిన భారత్ ఉత్సాహంతో మలేసియాను కూడా చిత్తుచేసింది.

గోల్డ్‌కోస్ట్: కామన్వెల్త్‌ గేమ్స్‌లో సోమవారం పురుషులు స్వర్ణ, కాంస్యాలు దక్కించుకున్నారు. పురుషుల 10మీటర్ల ఎయిర్‌ పిస్టల్‌ విభాగంలో జీతూరాయ్‌ స్వర్ణం గెలుచుకోగా ఇదే ఈవెంట్‌లో ఓమ్‌ మితర్వాల్‌ కాంస్యంతో సరిపెట్టుకున్నాడు. ఆసీస్‌ షూటర్‌ కెర్రీ బెల్‌ రెండో స్థానంలో నిలిచాడు. అలాగే మహిళల 10 మీటర్ల ఎయిర్‌ రైఫిల్‌ విభాగంలో మెహులి ఘోష్‌, అపూర్వి చండేలా రజత, కాంస్య పతకాలను సొంతం చేసుకున్నారు.