టీమిండియా కెప్టెన్ విరాట్ కోహ్లీ, బాలీవుడ్ నటి అనుష్క శర్మ కొత్త సంవత్సరం సందర్భంగా ట్వీట్ చేసిన ప్రత్యేక సెల్ఫీ. దక్షిణాఫ్రికా టూర్‌కు కోహ్లీతోపాటు అనుష్క కూడా వెళ్లింది. మొదటి టెస్టు ఈనెల ఐదు నుంచి మొదలుకానుండగా, కేప్ టౌన్ తదితర ప్రాంతాల్లో కోహ్లీ, అనుష్క దంపతులు విహార యాత్రలు చేస్తున్నారు. ఇలావుంటే, టీమిండియా క్రికెటర్లు న్యూ ఇయర్ వేడుకల్లో బిజీగా గడిపారు.

కరాచీ, జనవరి 1: మాజీ క్రికెటర్ రాహుల్ ద్రవిడ్ పర్యవేక్షణలో భారత అండర్-19 జట్టు అద్భుతంగా రాణించడమేగాక, జాతీయ జట్టుకు ఆటగాళ్లను అందించగలుగుతున్నదని, తమ దేశంలోనూ అలాంటి సమర్థుడైన కోచ్ అవసరమని పాకిస్తాన్ క్రికెట్ బోర్డు (పీసీబీ)కు మాజీ కెప్టెన్ రమీజ్ రాజా సూచించాడు.

పయోంగ్యాన్, జనవరి 1: దక్షిణ కొరియాలో జరిగే వింటర్ ఒలింపిక్స్‌లో ఉత్తర కొరియా పాల్గొనే అవకాశాలు కనిపిస్తున్నాయి. పైయాంగ్‌చాంగ్ (దక్షిణ కొరియా)లో ఈ మెగా ఈవెంట్ విజయవంతంగా జరుగుతుందని నూతన సంవత్సర వేడుకల సందర్భంగా దేశ ప్రజలను ఉద్దేశించి ప్రసంగించిన ఉత్తర కొరియా అధ్యక్షుడు కిమ్ జాంగ్ ఉన్ ఆశాభావం వ్యక్తం చేశాడు. వింటర్ ఒలింపిక్స్‌కు బృందాన్ని పంపించడం సహా, ఈ దిశగా అన్ని చర్యలు తీసుకుంటామన్నాడు.

సిడ్నీ, జనవరి 1: ఇండియన్ ప్రీమియర్ లీగ్ (ఐపీఎల్) కంటే ఇంగ్లీష్ కౌంటీల్లో ఆడడానికే తాను ప్రాధాన్యం ఇస్తానని ఆస్ట్రేలియా ఆల్‌రౌండర్ మిచెల్ మార్ష్ స్పష్టం చేశాడు. నిరుడు ఐపీఎల్ వేలంలో రైజింగ్ పుణే సూపర్‌జెయింట్ అతనిని 4.8 కోట్ల రూపాయలకు కొనింది.