న్యూఢిల్లీ, సెప్టెంబర్ 22: ఢిల్లీ క్రికెట్ జట్టుకు కెప్టెన్‌గా సీనియర్ ఫాస్ట్ బౌలర్ ఇశాంత్ శర్మ ఎంపికయ్యాడు. గౌతం గంభీర్ కెప్టెన్సీ నుంచి వైదొగలడంతో, రంజీ తదితర టోర్నీల్లో అతని స్థానంలో ఇశాంత్ జట్టుకు నాయకత్వం వహిస్తాడు.

భారత క్రికెట్‌ను ఒక గొప్ప ఆటగాడిగా, కెప్టెన్‌గా శాసిస్తున్నది విరాట్ కోహ్లీ అన్నది అందరికీ తెలిసిన సత్యం. అయితే, దేశంలోని చాలా నగరాల్లో ఇప్పటికీ మాజీ కెప్టెన్ మహేంద్ర సింగ్ ధోనీ అంటేనే విపరీతమైన క్రేజ్ ఉంది. అతనికి ఉన్న డిమాండ్ అంతా ఇంతాకాదు. కోల్‌కతా ఈడెన్ గార్డెన్స్‌లో ఆస్ట్రేలియాతో జరిగిన రెండో వనే్డ ఇంటర్నేషనల్స్‌లో స్టాండ్స్ అన్నీ కిక్కిరిసిపోవడానికి ధోనీ రాకనే ప్రధాన కారణం.

కోల్‌కతా, సెప్టెంబర్ 21: ఆస్ట్రేలియాతో గురువారం ఇక్కడి ఈడెన్ గార్డెన్స్ మైదానంలో జరిగిన రెండో వనే్డను కూడా కైవసం చేసుకున్న భారత జట్టు ఐదు మ్యాచ్‌ల సిరీస్‌పై 2-0 ఆధిక్యాన్ని సంపాదించింది. ‘చైనామన్’ బౌలర్ కుల్దీప్ యాదవ్ హ్యాట్రిక్‌తో రాణించి, భారత్‌కు 50 పరుగుల తేడాతో విజయాన్ని సాధించిపెట్టాడు. 253 పరుగుల లక్ష్యాన్ని ఛేదించడంలో విఫలమైన ఆస్ట్రేలియా 43.1 ఓవర్లలో 202 పరుగులకే కుప్పకూలింది.

కోల్‌కతా, సెప్టెంబర్ 21: భారత ఆల్‌రౌండర్ హార్దిక్ పాండ్య ఔట్‌పై కొంత సేపు హైడ్రామా నడిచింది. చివరికి అంపైర్ అతనిని నాటౌట్ ప్రకటించడంతో, గందరగోళానికి తెరపడింది. విషయానికి వస్తే, కేన్ రిచర్డ్‌సన్ బౌలింగ్‌లో గుడ్‌లెన్త్‌లో వచ్చిన బంతిని ఆడడంలో పాండ్య విఫలమయ్యాడు. బ్యాట్‌ను ముద్దాడుతూ బంతి నేరుగా పాయింట్ స్థానంలో ఫీల్డింగ్ చేస్తున్న స్టీవ్ స్మిత్ చేతుల్లో పడింది.