అహ్మదాబాద్: ప్రో కబడ్డీ లీగ్‌లో బుధవారం హర్యానా స్టీలర్స్, తమిళ్ తలైవాస్ జట్ల మధ్య చివరి వరకూ ఉత్కంఠ భరితంగా సాగిన మ్యాచ్ ‘టై’గా ముగిసింది. ఇరు జట్లు చెరి 25 పాయింట్లు సాధించాయి. హర్యానా తరఫున సుందన్ నడా 7, సుర్జీత్ సింగ్ 4 పాయింట్లు సాధించారు. తలైవాస్‌కు ప్రభంజన్ 7, అమిత్ హూడా 6 చొప్పున పాయింట్లు అందించారు. అంతర్-మండల చాలెంజ్‌గా ఈ వారం మ్యాచ్‌లు జరుగుతున్నాయి.

దుబాయ్, ఆగస్టు 15: శ్రీలంకతో జరిగిన మూడు మ్యాచ్‌ల టెస్టు క్రికెట్ సిరీస్‌ను టీమిండియా క్లీన్ స్వీప్ చేసి చరిత్ర సృష్టించడంతో భారత ఓపెనర్లు లోకేష్ రాహుల్, శిఖర్ ధావన్ ప్రపంచ ర్యాంకింగ్స్‌లో మరింత ఉన్నత స్థానాలకు దూసుకెళ్లారు.

ప్రిటోరియా, ఆగస్టు 15: దక్షిణాఫ్రికాలో పర్యటిస్తున్న భారత-ఏ జట్టు సఫారీలతో జరిగిన తొలి అనధికార టెస్టు క్రికెట్ మ్యాచ్‌లో ఘోరంగా చతికిలబడింది. బ్యాటింగ్‌లో దారుణంగా విఫలమై 235 పరుగుల తేడాతో ఓటమిపాలైంది. 447 పరుగుల భారీ లక్ష్యంతో రెండో ఇన్నింగ్స్ ప్రారంభించిన భారత-ఏ జట్టు 211 పరుగులకే ఆలౌటవడంతో ఈ పరాభవం తప్పలేదు.

పల్లెకల్, ఆగస్టు 15: ప్రస్తుతం శ్రీలంకలో పర్యటిస్తున్న భారత క్రికెట్ జట్టు మంగళవారం అక్కడ దేశ 70వ స్వాతంత్య్ర దినోత్సవాన్ని ఘనంగా జరుపుకుంది. జట్టు సభ్యులందరి సమక్షంలో కెప్టెన్ విరాట్ కోహ్లీ జాతీయ పతాకాన్ని ఆవిష్కరించి దేశ ప్రజలందరికీ శుభాకాంక్షలు తెలియజేశాడు. తన తండ్రి కూడా ఆగస్టు 15వ తేదీనే జన్మించారని, కనుక చిన్ననాటి నుంచే తనకు ఇది ఎంతో ప్రత్యేకమైన రోజని కోహ్లీ పేర్కొన్నాడు.