ఎడ్జిబాస్టన్, జూన్ 7: చాంపియన్స్ ట్రోఫీలో బుధవారం పాకిస్తాన్, దక్షిణాఫ్రికా మ్యాచ్‌కి కూడా వర్షం బెడద తప్పలేదు. ఈ మ్యాచ్‌లో టాస్ గెలిచి బ్యాటింగ్ ఎంచుకున్న దక్షిణాఫ్రికా నిర్ణీత 50 ఓవర్లలో 8 వికెట్లకు 219 పరుగులు చేయగలిగింది. భారత్‌తో జరిగిన పోరులో దారుణంగా విఫలమైన పాకిస్తాన్ బౌలింగ్ ఈ మ్యాచ్‌లో మెరుగుపడడం విశేషం.

న్యూఢిల్లీ, జూన్ 6: ఐదుసార్లు ప్రపంచ చాంపియన్‌గా నిలిచిన ‘మణిపూర్ మణిపూస’ మేరీ కోమ్ దాదాపు ఏడాది కాలం తర్వాత మళ్లీ బాక్సింగ్ బరిలోకి దిగనుంది. మరికొద్ది రోజుల్లో మంగోలియాలో జరుగనున్న ఉలాన్‌బాటర్ కప్ ఇన్విటేషనల్ టోర్నమెంట్‌లో పాల్గొనే ముగ్గురు సభ్యుల భారత మహిళా జట్టులో ఆమెకు చోటు కల్పించారు. మేరీ కోమ్ గత ఏడాది కాలం నుంచి బాక్సింగ్ పోటీలకు దూరంగా ఉన్న విషయం తెలిసిందే.

డస్సెల్‌డోర్ఫ్, జూన్ 6: మూడు దేశాల ఇన్విటేషనల్ హాకీ టోర్నమెంట్‌లో భాగంగా మంగళవారం ఇక్కడ జరిగిన మ్యాచ్‌లో ఆతిథ్య జర్మనీ 2-0 గోల్స్ తేడాతో భారత్‌ను మట్టికరిపించింది. దీంతో జర్మనీ తన పోరాటాన్ని విజయంతో ముగించినట్లయింది.

లండన్, జూన్ 6: కంగారూలపై వరుణుడు పగబట్టాడా?. చాంపియన్స్ ట్రోఫీ క్రికెట్ టోర్నమెంట్‌లో తొలి విజయాన్ని నమోదు చేసుకోవాలన్న కంగారూల ఆశలపై వరుణుడు మరోసారి నీళ్లు చల్లడం చూస్తుంటే ఈ ప్రశ్నకు అవుననే సమాధానం వస్తోంది. లండన్‌లో సోమవారం బంగ్లాదేశ్‌పై కంగారూలు సునాయాస విజయాన్ని సాధించే దిశగా ముందుకు సాగుతున్న తరుణంలో వరుణుడు మరోసారి కనె్నర్ర చేయడంతో ఆ మ్యాచ్ ఫలితం తేలకుండా నిలిచిపోయింది.