ఇండోర్, ఏప్రిల్ 20: ఇండియన్ ప్రీమియర్ లీగ్ (ఐపిఎల్) టి-20 క్రికెట్ టోర్నమెంట్‌లో గురువారం జరిగిన 22వ మ్యాచ్‌లో కింగ్స్ ఎలెవెన్ పంజాబ్‌పై ముంబయి ఇండియన్స్ విజయభేరి మోగించింది. హషీం ఆమ్లా సూపర్ సెంచరీతో ప్రత్యర్థి ముందు పంజాబ్ 199 పరుగుల భారీ లక్ష్యాన్ని ఉంచగలిగింది. అయతే, ఆరంభం నుంచి దూకుడుగా ఆడిన ముంబయ 15.3 ఓవర్లలోనే లక్ష్యాన్ని ఛేదించింది.

న్యూఢిల్లీ, ఏప్రిల్ 20: భారత క్రికెట్ జట్టు మాజీ కెప్టెన్ మహేంద్ర సింగ్ ధోనీకి సుప్రీం కోర్టు నుంచి ఊరట లభించింది. ధోనీని విష్ణుమూర్తి అవతారంగా చూపిస్తూ, అతను బ్రాండ్ అంబాసిడర్‌గా ఉన్న వివిధ ఉత్పత్తులను అతని చేతుల్లో ఉన్నట్టు ఒక పత్రిక కవర్ పేజీపై ఫొటోను ముద్రించడంతో వివాదం మొదలైన విషయం తెలిసిందే. ‘విష్ణు’ వివాదంపై ఇంతకు ముందు కర్నాటకలో కేసు నమోదైంది.

బార్సిలోనా, ఏప్రిల్ 20: చాంపియన్స్ లీగ్ ఫుట్‌బాల్ టోర్నమెంట్ టైటిల్ ఫేవరిట్ బార్సిలోనాకు జువెంటాస్ బ్రేక్ వేసింది. బార్సిలోనాతో క్వార్టర్ ఫైనల్స్ రెండో లెగ్ మ్యాచ్‌ని జువెంటాస్ డ్రా చేసుకుంది. ఇరు జట్లు ఒక్క గోల్ కూడా చేయలేకపోయాయి. కాగా, క్వార్టర్స్‌లో జరిగిన ఇతర దశల్లో వచ్చిన ఫలితాల ఆదారంగా జువెంటాస్‌కు సెమీస్‌లో స్థానం దక్కింది.

చాంగ్‌జో (చైనా), ఏప్రిల్ 20: ఇక్కడ జరుగుతున్న చైనా మాస్టర్స్ గ్రాండ్ ఫ్రీ బాడ్మింటన్ టోర్నమెంట్‌లో భారత్ పోరాటానికి తెరపడింది. పురుషుల సింగిల్స్ ప్రీ క్వార్టర్ ఫైనల్స్‌లో భారత ఆటగాళ్లు పారుపల్లి కశ్యప్, హర్షీల్ డానీ తమతమ ప్రత్యర్థుల చేతిలో ఓటమిపాలై నిష్క్రమించారు. చివరి వరకూ గట్టిపోటీనిచ్చిన కశ్యప్‌ను మూడో సీడ్ క్వియావో బిన్ 21-10, 20-22, 21-13 తేడాతో ఓడించి ముందంజ వేశాడు.