మల్హెయిమ్ అన్‌డెర్ రర్ (జర్మనీ), మార్చి 3: జర్మన్ ఓపెన్ గ్రాండ్‌ప్రీ గోల్డ్ బాడ్మింటన్ టోర్నమెంట్‌లో భారత టాప్ షట్లర్ కిదాంబి శ్రీకాంత్ పోరాటం ముగిసింది. ఈ టోర్నీలో 12వ సీడ్‌గా బరిలోకి దిగిన శ్రీకాంత్ శుక్రవారం తెల్లవారు జామున ఇక్కడ జరిగిన పురుషుల సింగిల్స్ ప్రీ-క్వార్టర్ ఫైనల్ మ్యాచ్‌లో ఒలింపిక్ చాంపియన్ చెన్ లాంగ్ చేతిలో ఓటమి పాలయ్యాడు.

హైదరాబాద్, మార్చి 2: భాగ్యనగరంలో రెండవ క్రికెట్ అకాడమీని ప్రారంభిస్తున్నట్లు హైదరాబాద్ స్టైలిష్ బ్యాట్స్‌మన్, టీమిండియా మాజీ ఆటగాడు వివిఎస్.లక్ష్మణ్ గురువారం ప్రకటించాడు. నాచారంలోని ఢిల్లీ పబ్లిక్ స్కూల్‌లో దీనిని ఏర్పాటు చేస్తున్నానని, ఏప్రిల్ 3వ తేదీన ప్రారంభమయ్యే సమ్మర్ క్యాంప్‌తో ఈ అకాడమీలో ట్రైనింగ్ సెషన్ మొదలవుతుందని అతను విలేఖరులకు వెల్లడించాడు.

న్యూఢిల్లీ, మార్చి 2: పుణె టెస్టు మ్యాచ్‌లో ఆస్ట్రేలియా చేతిలో ఘోరపరాజయం పాలయిన కోహ్లీ సేనకు టీమిండియా మాజీ కెప్టెన్ సౌరబ్ గంగూలీ గట్టి మద్దతుగా నిలిచాడు. ‘గత పది నెలల కాలంలో భారత జట్టు అద్భుతంగా రాణించింది. ప్రతి మ్యాచ్‌నీ గెలిచింది. అయితే ఇప్పుడు వాళ్లు తిరిగి పుంజుకొని గట్టిగా శ్రమించాలి. సొంతగడ్డపైన కూడా ఏ జట్టయినా ఓటమి పాలవుతుంది. గతంలో చాలా జట్లు కూడా ఓటమి పాలయ్యాయి. ఇదే మొదటిసారి కాదు.

న్యూఢిల్లీ, మార్చి 2: కాలిగాయానికి శస్త్ర చేయించుకుని నాలుగు నెలల విశ్రాంతి తర్వాత తిరిగి మైదానంలో అడుగుపెట్టబోతున్న మిడిలార్డర్ బ్యాట్స్‌మన్ రోహిత్ శర్మ తాను ఎవరికీ పోటీ కాదని, తనకు తానే పోటీ అని అన్నాడు. భారత జట్టులో స్థానం కోసం అజింక్య రహానే, కరుణ్ నాయర్‌లతో రోహిత్ శర్మ పోటీ పడుతున్న విషయం తెలిసిందే.