న్యూఢిల్లీ, జనవరి 5: జాతీయ క్రీడాభివృద్ధి కోసం కేంద్రం ఏర్పాటు చేసిన తొమ్మిది మంది సభ్యులతో కూడిన ప్యానెల్‌లో ఏస్ షూటర్ అభినవ్ బింద్రాకు చోటు దక్కింది. దేశంలో సమగ్ర క్రీడాభివృద్ధికి అవసరమైన విధివిధానాలను ఈ ప్యానెల్ సిఫార్సు చేస్తుంది. ఈ కమిటీకి అధ్యక్షుడిగా కేంద్ర క్రీడా శాఖ కార్యదర్శి ఇంజేటి శ్రీనివాస్ వ్యవహరిస్తాడు.

సిడ్నీ, జనవరి 5: ఆస్ట్రేలియా, శ్రీలంక జట్ల మధ్య ఇక్కడ జరుగుతున్న చివరి, మూడో టెస్టు మ్యాచ్‌ని వర్షం వెంటాడుతున్నది. మ్యాచ్ మూడో రోజైన గురువారం ఆటలో పాక్ సీనియర్ ఆటగాడు యూనిస్ ఖాన్ సెంచరీ చేయడం విశేషం. భారీ జల్లుల కారణంగా మరోసారి ఆటంకం తప్పలేదు. 54 ఓవర్ల ఆట సాధ్యంకాగా, పాకిస్తాన్ తన మొదటి ఇన్నింగ్స్‌లో ఎనిమిది వికెట్లకు 271 పరుగులు చేసింది.

న్యూఢిల్లీ, జనవరి 4: లోధా కమిటీ సిఫార్సులు సక్రమంగా అమలు జరిగేందుకు వీలుగా బిసిసిఐలో ఇద్దరు సభ్యులతో కూడిన కమిటీని నియమిస్తామని సుప్రీం కోర్టు తీసుకున్న నిర్ణయానికి మద్దతు పెరుగుతున్నది. మాజీ కెప్టెన్ బిషన్ సింగ్ బేడీ ఈ నిర్ణయాన్ని స్వాగతిస్తున్నానని అంటూ, దేశంలో క్రికెట్ ఒక గాడిన పడుతుందన్న ఆశాభావం వ్యక్తం చేసిన విషయం తెలిసిందే.

సిడ్నీ, జనవరి 4: ఆస్ట్రేలియాతో జరుగుతున్న మూడో టెస్టు మ్యాచ్ రెండో ఇన్నింగ్స్‌లో పాకిస్తాన్ ఎదురీదుతున్నది. హ్యాండ్‌కోమ్ సెంచరీతో రాణించడంతో, ఆసీస్ ఎనిమిది వికెట్లకు 538 పరుగుల వద్ద ఇన్నింగ్స్‌ను డిక్లేర్ చేయగా, అందుకు సమాధానంగా తొలి ఇన్నింగ్స్‌ను మొదలు పెట్టిన పాకిస్తాన్ రెండో రోజు ఆట ముగిసే సమయానికి రెండు వికెట్లు కోల్పోయి 126 పరుగులు చేసింది.