బెంగళూరు, డిసెంబర్ 21: భారత క్రికెట్ జట్టు స్వదేశంలో పులిలా విజృంభిస్తుందని, అయితే, విదేశాల్లో పిల్లిలా మారిపోతుందని చాలా సంవత్సరాలుగా ఉన్న ముద్రను చెరిపేయడానికి కృషి చేస్తామని ఆల్‌రౌండర్ రవీంద్ర జడేజా అన్నాడు. విదేశాల్లోనూ సత్తా చాటుతామని బుధవారం ఇక్కడ జరిగిన ఒక కార్యక్రంమలో పాల్గొన్న తర్వాత విలేఖరులతో మాట్లాడుతూ జడేజా ధీమా వ్యక్తం చేశాడు.

ఇంగ్లాండ్‌తో స్వదేశంలో జరిగిన ఐదు మ్యాచ్‌ల టెస్టు క్రికెట్ సిరీస్‌ను భారత జట్టు ఘనంగా ముగించింది. చెన్నైలో జరిగిన చివరి టెస్టులో 75 పరుగుల తేడాతో ఇంగ్లాండ్‌ను మట్టికరిపించి 4-0 తేడాతో సిరీస్‌ను కైవసం చేసుకుంది. సిరీస్‌లో అత్యద్భుత ప్రదర్శనతో ఇంగ్లాండ్ పతనాన్ని శాసించిన స్పిన్నర్ రవీంద్ర జడేజా మ్యాచ్ చివరి రోజునా హీరోగా నిలిచాడు.

దుబాయ్, డిసెంబర్ 20: ఇంగ్లాండ్‌తో ఐదు టెస్టుల క్రికెట్ సిరీస్‌లో భాగంగా మంగళవారం చెన్నైలో ముగిసిన చివరి మ్యాచ్‌లో మారోసారి ఆధిపత్యాన్ని చాటుకుని ఇన్నింగ్స్ 75 పరుగుల తేడాతో విజయభేరి మోగించిన టీమిండియా ప్రపంచంలోని అత్యుత్తమ టెస్టు జట్ల జాబితాలోనూ అగ్రస్థానానికి దూసుకెళ్లి ఈ ఏడాదికి ఘనంగా వీడ్కోలు పలికింది.

న్యూఢిల్లీ, డిసెంబర్ 20: అఖిల భారత ఫుట్‌బాల్ సమాఖ్య (ఎఐఎఫ్‌ఎఫ్) అధ్యక్షుడు ప్రఫుల్ పటేల్ మూడోసారి ఆ పదవికి ఏకగ్రీవంగా ఎన్నికయ్యేందుకు రంగం సిద్ధమైంది. బుధవారం న్యూఢిల్లీలో జరిగే ఎఐఎఫ్‌ఎఫ్ వార్షిక సర్వసభ్య సమావేశంలో ఈ ఎన్నికలు నిర్వహించనున్నారు. ఈ ఎన్నికలపై ఢిల్లీ హైకోర్టు కొద్ది రోజుల క్రితం విధించిన స్టేని మంగళవారం ఎత్తివేయడంతో ఎన్నికలకు ద్వారాలు తెరుచుకున్నాయి.