పారిస్, డిసెంబర్ 13: ప్రతిష్ఠాత్మక గోల్డెన్‌బాల్ అవార్డు-2016ను పోర్చుగల్ ఫుట్‌బాల్ స్టార్ క్రిస్టియానో రోనాల్డో దక్కించుకున్నాడు. అయిదు సార్లు గోల్డెన్‌బాల్ విజేత, అర్జెంటీనా స్టార్ లియోనెల్ మెస్సీని వెనక్కి నెట్టి రోనాల్డో ప్రపంచంలో అత్యుత్తమ ఫుట్‌బాల్ ఆటగాడికి ఇచ్చే ఈ అవార్డును దక్కించుకోవడం గమనార్హం. రొనాల్డోకు గోల్డెన్‌బాల్ అవార్డు లభించడం ఇది నాలుగోసారి.

చెన్నై, డిసెంబర్ 13: తమిళనాడు రాష్ట్ర రాజధాని చెన్నైలో సోమవారం సాయంత్రం వార్ధా తుపాను పెను విధ్వంసాన్ని సృష్టించినప్పటికీ చెపాక్‌లో ఈ నెల 16వ తేదీన భారత్-ఇంగ్లాండ్ జట్ల మధ్య జరగాల్సిన ఐదవ, చివరి టెస్టు క్రికెట్ మ్యాచ్ షెడ్యూలు ప్రకారమే ప్రారంభం కానుంది. తమిళనాడు క్రికెట్ సంఘం (టిఎన్‌సిఎ) కార్యదర్శి కాశీ విశ్వనాథ్ ఈ విషయాన్ని వెల్లడించారు.

గౌహతి, డిసెంబర్ 13: నేషనల్ బాక్సింగ్ చాంపియన్‌షిప్స్‌లో కామనె్వల్త్ క్రీడల రజత పతక విజేత ఎల్.దేవంద్రో సింగ్‌కు అనూహ్యమైన ఎదురుదెబ్బ తగిలింది. రెండుసార్లు ఒలింపిక్స్‌లో పాల్గొనడంతో పాటు ఆసియా చాంపియన్‌షిప్స్‌లో రజత పతకాన్ని గెలుచుకున్న దేవేంద్రో సింగ్ మంగళవారం ఇక్కడ జరిగిన ఫైనల్ బౌట్‌లో 0-5 తేడాతో చండీగఢ్‌కు చెందిన దీపక్ సింగ్ చేతిలో ఘోర పరాజయాన్ని ఎదుర్కొన్నాడు.

ముంబయి, డిసెంబర్ 12: ఇంగ్లాండ్‌తో ఐదు టెస్టుల క్రికెట్ సిరీస్‌లో భాగంగా ముంబయిలోని వాంఖడే స్టేడియంలో జరిగిన నాలుగో టెస్టులో భారత జట్టు విజయభేరి మోగించింది. ఇన్నింగ్స్ 36 పరుగుల భారీ తేడాతో సోమవారం ఇంగ్లాండ్‌ను మట్టికరిపించి మిగిలిన లాంఛనాలను పూర్తిచేసిన భారత జట్టు మరో మ్యాచ్ మిగిలి ఉండగానే 3-0 తేడాతో ఈ సిరీస్‌ను కైవసం చేసుకుంది.