న్యూఢిల్లీ, డిసెంబర్ 7: సుమారు మూడు దశాబ్దాలుగా పురుషుల బాక్సింగ్ రంగానికి వివిధ హోదాల్లో సేవలు అందిస్తూ, ప్రస్తుతం కోచ్‌గా ఉన్న గుర్బాక్స్ సింగ్ సంధూ ఇకపై మహిళలకు కూడా కోచ్‌గా వ్యవహరిస్తాడు. ఇటీవలే ఏర్పడిన భారత బాక్సింగ్ సమాఖ్య (బిఎఫ్‌ఐ) బుధవారం విడుదల చేసిన ఒక ప్రకటనలో ఈ విషయాన్ని ధ్రువీకరించింది.

ముంబయి, డిసెంబర్ 6: వరుసగా రెండు మ్యాచ్‌లను చేజార్చుకొని, ఐదు మ్యాచ్‌ల టెస్టు సిరీస్‌లో 0-2 తేడాతో వెనుకబడిన ఇంగ్లాండ్ గురువారం నుంచి మొదలయ్యే నాలుగో టెస్టులో భారత్‌ను ఓడించి, ఆశలు నిలబెట్టుకోవడానికి కసరత్తు చేస్తున్నది.

కాన్‌బెరా, డిసెంబర్ 6: న్యూజిలాండ్‌తో మంగళవారం జరిగిన రెండో వనే్డను ఆస్ట్రేలియా 116 పరుగుల భారీ తేడాతో సొంతం చేసుకుంది. మూడు మ్యాచ్‌ల ఈ సిరీస్‌ను 2-0 తేడాతో గెల్చుకుంది. చివరిదైన మూడో వనే్డ ఫలితంతో సంబంధం లేకుండా ఆసీస్‌కు సిరీస్‌ను అందించిన ఘనత డేవిడ్ వార్నర్‌కు దక్కుతుంది. అతను సెంచరీతో కదంతొక్కి, ఆసీస్ విజయంలో కీలక భూమిక పోషించాడు.

న్యూఢిల్లీ, డిసెంబర్ 6: పెద్దనోట్ల రద్దు ప్రభావం క్రీడా రంగంపైనా పడింది. దీని కారణంగా దేశంలో ఆర్థిక పరిస్థితులు సంక్లిష్టంగా మారాయని, అందుకే ఈసారి ఇంటర్నేషనల్ ప్రీమియర్ టెన్నిస్ లీగ్ (ఐపిటిఎల్)లో రోజర్ ఫెదరర్, సెరెనా విలియమ్స్ వంటి స్టార్లు పాల్గొనడం లేదని టోర్నీ వ్యవస్థాపకుడు మహేష్ భూపతి తెలిపాడు. దేశంలో ఆర్థిక పరిస్థితి టోర్నీకి అనుకూలంగా లేదని వ్యాఖ్యానించాడు.