మొహాలీ, నవంబర్ 26: భారత ఓపెనర్ లోకేష్ రాహుల్ చేతి గాయం పూర్తిగా నయం కాకపోవడంతో ఇంగ్లాండ్‌తో శనివారం ప్రారంభమైన మూడో టెస్టుకు దూరమయ్యాడు. విశాఖపట్నంలో జరిగిన రెండో టెస్టులో ఫీల్డింగ్ చేస్తున్న సమయంలో రాహుల్ చేతికి గాయమైంది. నెట్ ప్రాక్టీస్ చేస్తున్న సమయంలో రాహుల్‌కు నొప్పి మరింత పెరిగిందని, అందుకే మూడో టెస్టుకు అతను దూరమయ్యాడని జట్టు మేనేజ్‌మెంట్ ఒక ప్రకటనలో తెలిపింది.

మొహాలీ, నవంబర్ 25: ఐదు మ్యాచ్‌ల సిరీస్‌లో మొదటి టెస్టు డ్రాగా ముగియగా, రెండో టెస్టులో విజయభేరి మోగించి 1-0 ఆధిక్యానికి దూసుకెళ్లిన భారత్ ఆత్మవిశ్వాసంతో శనివారం నుంచి మొదలయ్యే మూడో టెస్టుకు సిద్ధంకాగా, ఒక మ్యాచ్‌ని కోల్పోయిన ఇంగ్లాండ్ ఆత్మరక్షణలో పడింది. ఈ మ్యాచ్‌ని చేజార్చుకుంటే, చివరి రెండు టెస్టుల్లో గెలిస్తేగానీ సిరీస్‌ను డ్రా చేసుకునే అవకాశం ఉండదు.

మొహాలీ: వికెట్‌కీపర్ పార్థీవ్ పటేల్ సుమారు ఎనిమిదేళ్ల తర్వాత మళ్లీ ఒక టెస్టు మ్యాచ్ ఆడేందుకు రంగం సిద్ధమైంది. రెగ్యులర్ కీపర్ వృద్ధిమాన్ సాహా కాలి కండరాలు బెణకడంతో విశ్రాంతి తీసుకుంటున్నాడు. అతని స్థానంలో వృషభ్ పంత్ టెస్టు ఆడతాడని అంతా అనుకున్నారు. కానీ, ఎవరి అంచనాలకు అందని రీతిలో పార్థీవ్ ఈ అవకాశాన్ని దక్కించుకున్నాడు.

న్యూఢిల్లీ, నవంబర్ 24: బ్యాంకాక్‌లో శనివారం నుంచి ప్రారంభం కానున్న మహిళల ఆసియా కప్ క్రికెట్ టోర్నమెంట్‌లో భారత్ పాల్గొంటుంది. అయితే, పాకిస్తాన్‌తో మ్యాచ్ ఆడుతుందా లేదా అన్న అంశంపై ఇంకా స్పష్టత రాలేదు. పాక్‌తో ముందుగా ఖరారైన షెడ్యూల్ ప్రకారం మ్యాచ్‌లు ఆడని కారణంగా భారత మహిళల జట్టుకు అంతర్జాతీయ క్రికెట్ మండలి (ఐసిసి) ఆరు పాయింట్ల కోత విధించడం తీవ్ర విమర్శలకు గురైన విషయం తెలిసిందే.