ఢిల్లీ: బ్రెజిల్ లోని రియో డి జనీరోలో ఈనెల 7 నుంచి 18 వరకు జరిగే పారాలింపిక్స్‌ పోటీల్లో స్వర్ణం సాధించే అథ్లెట్‌కు రూ.75 లక్షలు ఇవ్వనున్నట్టు భారత క్రీడా మంత్రిత్వ శాఖ వెల్లడించింది. రజతానికి రూ.50 లక్షలు, కాంస్య పతకానికి రూ.30 లక్షలు ఇవ్వనున్నట్టు క్రీడా మంత్రిత్వ శాఖ అధికార ట్వీట్టర్ పేజీలో పేర్కొంది. భారత్ నుంచి 17 మందితో కూడిన బృందం పారాలింపిక్స్‌కు వెళ్లింది.

న్యూఢిల్లీ, సెప్టెంబర్ 6: దేశంలో మూడవ అత్యున్నత పౌర పురస్కారమైన పద్మ భూషణ్ అవార్డుకు ఒలింపిక్స్‌లో రెండుసార్లు పతకాలు సాధించిన సుశీల్ కుమార్ (33) పేరును భారత రెజ్లింగ్ సమాఖ్య (డబ్ల్యుఎఫ్‌ఐ) సిఫారసు చేసింది.

ముంబయి, సెప్టెంబర్ 6: రియో ఒలింపిక్స్‌లో రజత పతకాన్ని కైవసం చేసుకున్న ‘తెలుగు తేజం’ పివి.సింధుతో పాటు ఆమె విజయం వెనుక కీలకపాత్ర పోషించిన జాతీయ కోచ్ పుల్లెల గోపీచంద్‌ను మహారాష్ట్ర బాడ్మింటన్ అసోసియేషన్ మంగళవారం ముంబయిలో ఘనంగా సత్కరించింది. ఈ కార్యక్రమానికి మహారాష్ట్ర ముఖ్యమంత్రి దేవేంద్ర ఫడ్నవీస్‌తో పాటు ఆ రాష్ట్ర క్రీడా శాఖ మంత్రి వినోద్ తావ్డే హాజరై సింధుపై ప్రశంసల వర్షం కురిపించారు.

పల్లికల్, సెప్టెంబర్ 6: అంతర్జాతీయ ట్వంటీ-20 క్రికెట్‌లో ఆస్ట్రేలియా చరిత్ర సృష్టించింది. మంగళవారం పల్లికల్‌లో శ్రీలంకతో జరిగిన తొలి మ్యాచ్‌లో ఓపెనర్ గ్లెన్ మ్యాక్స్‌వెల్ (145 నాటౌట్) దుమ్ము రేపడంతో ఆస్ట్రేలియా జట్టు 263 పరుగుల భారీ స్కోరు సాధించి ప్రపంచ రికార్డు నెలకొల్పింది.