లండన్, జూలై 3: ప్రపంచ నంబర్ వన్ క్రీడాకారిణి, వింబుల్డన్ మహిళల సింగిల్స్ డిఫెండింగ్ చాంపియన్ సెరెనా విలియమ్స్ అరుదైన మైలు రాయిని చేరింది. కెరీర్‌లో ఆమె 300వ విజయాన్ని నమోదు చేసి, మార్టినా నవ్రతిలోవా తర్వాత ఈ ఫీట్ సాధించిన తొలి క్రీడాకారిణిగా రికార్డు పుస్తకాల్లో చేరింది.

బోర్డాక్స్, జూలై 3: యూరో 2016లో పెనాల్టీ షూటౌట్ల పర్వం కొనసాగుతున్నది. క్వార్టర్ ఫైనల్స్‌లో జర్మనీ, ఇటలీ జట్ల మధ్య జరిగిన మ్యాచ్‌లోనూ షూటౌట్ అనివార్యమైంది. జొనాస్ హెక్టర్ చేసిన కీలక గోల్‌తో జర్మనీ 6-5 తేడాతో గెలుపొందగా, ఇటలీ టోర్నీ నుంచి నిష్క్రమించింది. ఈసారి టోర్నీలో జరిగిన చాలా మ్యాచ్‌ల మాదిరిగానే జర్మనీ, ఇటలీ మధ్య క్వార్టర్ ఫైనల్ పోరు ఏ మాత్రం ఆసక్తిని రేపలేకపోయింది.

హైదరాబాద్, జూలై 3: ప్రో కబడ్డీలో తెలుగు టైటాన్స్ మరోసారి ఓటమిపాలైంది. ఒక్క మ్యాచ్‌ని కూడా గెల్చుకోలేక అభిమానులను నిరాశ పరచిన టైటాన్స్ సొంత గడ్డపై ఆదివారం పాట్నా పైరేట్స్‌తో జరిగిన మ్యాచ్‌లో గెలుస్తుందన్న అభిప్రాయం వ్యక్తమైంది. అందరి అంచనాల మేరకే ఆటగాళ్లు చివరి వరకూ పోరాడారు. కానీ, అంతకు ముందు మ్యాచ్‌ల మాదిరిగానే చివర్లో తీవ్రమైన ఒత్తిడికి గురై, మ్యాచ్‌ని 33-35 తేడాతో చేజార్చుకున్నారు.

న్యూఢిల్లీ, జూలై 3: రియో ఒలింపిక్స్‌లో పాల్గొనే భారత ఆటగాళ్ల బృందాన్ని ప్రధాని నరేంద్ర మోదీ సోమవారం కలుస్తారు. న్యూఢిల్లీలోని మానెక్‌షా సెంటర్‌లో రియో ఒలింపిక్ బృందంతో మోదీ భేటీ అవుతారని ప్రధాని కార్యాలయం ఆదివారం విడుదల చేసిన ఒక ప్రకటనలో తెలిపింది. ఇప్పటి వరకూ సుమారు వంద మంది క్రీడాకారులు వివిధ ఈవెంట్స్‌లో పోటీపడేందుకు అర్హత సంపాదించారు.