రాంచీ: మహిళల క్రికెట్‌లో శ్రీలంకను రెండో టి-20 మ్యాచ్‌లో ఢీకొన్న భారత్ ఐదు వికెట్ల తేడాతో విజయం సాధించి, మూడు మ్యాచ్‌ల సిరీస్‌ను 2-0 తేడాతో కైవసం చేసుకుంది. దీనితో చివరిదైన మూడో మ్యాచ్‌కి ఎలాంటి ప్రాధాన్యం లేకుండాపోయింది. బుధవారం నాటి మ్యాచ్‌లో తొలుత బ్యాటింగ్‌కు దిగిన శ్రీలంక 20 ఓవర్లలో 8 వికెట్లకు 107 పరుగులు చేసింది.

పుణె: రంజీ ట్రోఫీ ఫైనల్ మొదటి రోజు సౌరాష్టప్రై ముంబయి జట్టు పట్టు బిగించింది. టాస్ గెలిచిన ముంబయి ఫీల్డింగ్ ఎంచుకోగా, తొలుత బ్యాటింగ్‌కు దిగిన సౌరాష్ట్ర మొదటి రోజు ఆట ముగిసే సమయానికి ఎనిమిది వికెట్లు కోల్పోయి 192 పరుగులు చేసింది. చెలరేగిపోయిన ముంబయి సీనియర్ పేసర్ ధవళ్ కులకర్ణి 30 పరుగులకే నాలుగు వికెట్లు పడగొట్టి, సౌరాష్టన్రు దారుణంగా దెబ్బతీశాడు.

క్రైస్ట్‌చర్చి: అంతర్జాతీయ కెరీర్ నుంచి రిటైర్ కావాలన్న తన నిర్ణయం సరైనదేనని న్యూజిలాండ్ కెప్టెన్ బ్రెండ్ మెక్‌కలమ్ స్పష్టం చేశాడు. ఆస్ట్రేలియాతో బుధవారం ముగిసిన రెండవ, చివరి టెస్టులో కివీస్ ఓటమిపాలుకాగా, చివరిసారి మైదానంలో కనిపించిన మెక్‌మిలన్ ముందు నడవగా, సహచరులంతా అతనిని అనుసరించారు.

కరాచీ: భారత్‌లో జరిగే టి-20 వరల్డ్ కప్ చాంపియన్‌షిప్ పోటీల్లో పాల్గొనే జట్టును పాకిస్తాన్ సెలక్టర్లు మంగళవారం ప్రకటించారు. బాబర్ ఆజమ్, రుమాన్ రరుూస్ గాయాలతో బాధపడుతున్న కారణంగా ఓపెనర్ షర్జీల్ ఖాన్, ఫాస్ట్ బౌలర్ మహమ్మద్ సమీ జట్టులోకి వచ్చారు. అందరూ ముందుగా ఊహించిన విధంగానే, సెలక్టర్లు ఎలాంటి ప్రయోగాల జోలికి వెళ్లకుండా టి-20 జట్టును ఎంపిక చేశారు. జట్టుకు షహీద్ అఫ్రిదీ కెప్టెన్‌గా వ్యవహరిస్తాడు.