విశాఖ:శ్రీలంకతో విశాఖలో ఆదివారం జరిగిన టి-20 మ్యాచ్‌లో భారత్ విజయం సాధించింది. 83 పరుగుల విజయలక్ష్యంతో బరిలోకి దిగిన భారత్ రోహిత్‌శర్మ వికెట్ కోల్పోయి 13.5 ఓవర్లలో లక్ష్యాన్ని సాధించింది. దీంతో 9 వికెట్ల తేడాతో భారత్ నెగ్గింది. ఇప్పటికే రెండు టి-20 మ్యాచ్‌లలో నెగ్గిన భారత్ మూడో మ్యాచ్‌నుకూడా కైవసం చేసుకుంది.

ఢాకా:ఢాకాలో జరిగిన అండర్-19 ప్రపంచకప్ క్రికెట్ పోటీల్లో విశ్వవిజేతగా వెస్టిండీస్ నిలిచింది. ఈ టోర్నీ ప్రారంభంనుంచి అప్రతిహత విజయాలతో ఫైనల్ చేరి ఎన్నో ఆశలు రేపిన భారతజట్టు ఫైనల్‌లో చేతులెత్తేసింది. మొదట బ్యాటింగ్ ప్రారంభించిన భారత్ టాప్‌ఆర్డర్ విఫలమవడంతో 45.1 ఓవర్లకే 145 పరుగులు చేసి ఆలౌట్ అయింది. ఆ తరువాత బ్యాటింగ్ చేసిన వెస్టిండీస్ 49.3 ఓవర్లలో 5 వికెట్లు కోల్పోయి లక్ష్యాన్ని ఛేదించింది.

గౌహతి: దక్షిణ ఆసియా గేమ్స్ (శాగ్)లో భారత్ తిరుగులేని ఆధిపత్యాన్ని కనబరుస్తూ ముందుకు దూసుకెళుతున్నది. ట్రయథ్లాన్ పురుషులు, మహిళల విభాగాల్లో స్వర్ణాలను కైవసం చేసుకొని, తనకు తిరుగులేదని చాటింది. శనివారం పోటీలు ముగిసే సమయానికి మొత్తం 268 పతకాలను కైవసం చేసుకొని అగ్రస్థానాన్ని కొనసాగిస్తున్నది. వీటిలో 156 స్వర్ణం, 85 రజతం, 27 కాంస్యాలున్నాయి.

విశాఖపట్నం: మూడు మ్యాచ్‌ల టి- 20 సిరీస్‌లో భాగంగా చివరి మ్యాచ్ ఆడేందుకు భారత్, శ్రీలంక జట్లు శనివారం విశాఖ చేరుకున్నాయి. విశాఖ ఎసిఎ - విడిసిఎ స్టేడియంలో ఆదివారం రాత్రి 7.30 గంటలకు మూడో టి- 20 మ్యాచ్ ప్రారంభమవుతుంది. ఇప్పటికే చెరో మ్యాచ్‌లో విజయం సాధించిన భారత్, శ్రీలంక జట్లు చివరి మ్యాచ్‌లో గెలుపొందడం ద్వారా సిరీస్‌ను కైవసం చేసుకునేందుకు సన్నద్ధమవుతున్నాయి.