ముంబయి: ఇండియన్ హాకీ లీగ్ (ఐహెచ్‌ఎల్)లో భాగంగా బుధవారం జరిగిన మ్యాచ్‌లో దబాంగ్ ముంబయి సంచలనం సృష్టించింది. వరుస విజయాలతో దూసుకెళుతున్న రాంచీ రేస్‌ను 7-5 తేడాతో ఓడించి, వరుసగా నాలుగు పరాజయాల తర్వాత తొలి ఓటమిని నమోదు చేసింది. మ్యాచ్ 11వ నిమిషంలో ముంబయికి దివాకర్ రామ్ తొలి గోల్‌ను అందించగా, మరో ఏడు నిమిషాల్లోనే రాంచీకి కెప్టెన్ ఆష్లే జాక్సన్ ఈక్వెలైజర్‌ను అందించాడు.

చిట్టగాంగ్, ఫిబ్రవరి 2: అండర్-19 ప్రపంచ కప్ చాంపియన్‌షిప్‌లో భాగంగా మంగళవారం వెస్టిండీస్, జింబాబ్వే జట్ల మధ్య జరిగిన మ్యాచ్‌లో మన్కడింగ్ వివాదం తలెత్తింది. బౌలర్ బంతి వేయడానికి ముందే నాన్‌స్ట్రయికింగ్ ఎండ్‌లో ఉన్న బ్యాట్స్‌మన్ ఒకవేళ క్రీజ్ నుంచి బయటకు వస్తే, సదరు బౌలర్ బంతితో వికెట్లను కొట్టడాన్ని ‘మన్కడింగ్’ అంటారు. భారత మాజీ క్రికెటర్ వినూ మన్కడ్ తొలిసారి ఈ విధానాన్ని అనుసరించాడు.

జంషెడ్పూర్, ఫిబ్రవరి 2: భారత క్రికెటర్లు ఒకరి తర్వాత మరొకరిగా ఓ ఇంటవారవుతున్నారు. ఇటీవలే హర్భజన్ సింగ్, రోహిత్ శర్మ పెళ్లిళ్లు చేసుకోగా, ఆ జాబితాలో ఫాస్ట్ బౌలర్ వరుణ్ ఆరోన్ కూడా చేరాడు. స్థానిక కోర్టులో తన చిన్ననాటి స్నేహితురాలు రాగిణిని అతను వివాహం చేసుకున్నాడు. వీరిద్దరికీ గురువారం ఇక్కడి చర్చిలో వారి మత విశ్వాసాల ప్రకారం పెళ్లి జరుగుతుందని సమాచారం.

లండన్, ఫిబ్రవరి 2: ఆస్ట్రేలియా ఓపెన్ గ్రాండ్ శ్లామ్ టెన్నిస్ టోర్నమెంట్ ఫైనల్‌లో ప్రపంచ నంబర్ వన్, డిఫెండింగ్ చాంపియన్ నొవాక్ జొకోవిచ్ చేతిలో ఓడిన బ్రిటన్ స్టార్, రెండో ర్యాంకర్ ఆండీ ముర్రేకు లండన్ విమానాశ్రయంలో ఘన స్వాగతం లభించింది. పలువురు అధికారులు పుష్పగుచ్ఛాలను అందించి అతనికి స్వాగతం పలికారు. విమానాశ్రయం వెలుపల వేలాదిమంది మంది అభిమానులు అతని కోసం నిరీక్షించారు.