హైదరాబాద్, డిసెంబర్ 22: కాళేశ్వరం ప్రాజెక్టుకు అన్ని అనుమతులిస్తూ కేంద్ర ప్రభుత్వం నుంచి సమాచారం అందిందని సీఎం కె చంద్రశేఖర్‌రావు ప్రకటించారు. తెలంగాణలో 70 శాతానికి నీళ్లు ఇచ్చే కాళేశ్వరం ప్రాజెక్టుకు కేంద్రం నుంచి అన్ని అనుమతులు లభించడంతో త్వరలోనే హరిత తెలంగాణను చూడబోతున్నామని సీఎం అన్నారు. బంగారు తెలంగాణ కల సాకారం కాబోతుందన్న ఆనందం వ్యక్తం చేశారు.

అమరావతి, డిసెంబర్ 22: తిరుమల తిరుపతి దేవస్థానం పాలకవర్గం నియామకం అటకెక్కినట్లేనా? గత ఎనిమిది నెలలుగా పెండింగ్‌లో ఉన్న టీటీడీ బోర్డు నియామక వ్యవహారంపై సీఎం చంద్రబాబు ఎందుకు ఆసక్తిచూపించడం లేదు? గత కొద్దిరోజుల నుంచి టీడీపీ వర్గాల్లో జరుగుతున్న చర్చ ఇది. టీటీడీ బోర్డు పాలకమండలిలో స్థానం కోసం ప్రయత్నిస్తోన్న టీడీపీ సీనియర్లకు నిరాశ ఎదురవుతోంది.

హైదరాబాద్, డిసెంబర్ 21: అసైన్డ్ భూములను ఇతరుల నుంచి కొనుగోలు చేసిన పేదరైతులను ఆదుకోవాలని తెలంగాణ ప్రభుత్వం కీలక నిర్ణయం తీసుకుంది. ఆ భూములను నిరుపేద రైతుల పేరిట క్రమబద్ధీకరణ చేయాలని భావిస్తున్న ముఖ్యమంత్రి కేసీఆర్ త్వరలోనే ఇందుకు సంబంధించి ఆదేశాలను జారీ చేస్తారు. అసైన్డ్ భూములపై గతంలోనే అసెంబ్లీ సాక్షిగా సీఎం హామీ ఇచ్చిన సంగతి తెలిసిందే.

విజయవాడ, డిసెంబర్ 21: వచ్చే ఏడాది జనవరి 1 నుండి ఆంధ్రప్రదేశ్ పబ్లిక్ సర్వీస్ కమిషన్ (ఏపీపీఎస్సీ) విజయవాడ కేంద్రంగా పూర్తిస్థాయిలో పనిచేస్తుందని కమిషన్ చైర్మన్ పిన్నమనేని ఉదయ్‌భాస్కర్ వెల్లడించారు.