కర్నూలు, డిసెంబర్ 19: కర్నూలు స్థానిక సంస్థల శాసనమండలి అభ్యర్థి ఎన్నికకు నిర్వహిస్తున్న ఉప ఎన్నిక నోటిఫికేషన్‌ను ఎన్నికల అధికారి, జాయింట్ కలెక్టర్ ప్రసన్న వెంకటేష్ మంగళవారం విడుదల చేశారు. దాంతో నామినేషన్ల స్వీకరణ కార్యక్రమం ప్రారంభమైంది.

హైదరాబాద్: ప్రపంచ తెలుగు మహాసభల ముగింపులో రాష్టప్రతి రామ్‌నాథ్ కోవింద్ తెలుగులో మాట్లాడి భాషాభిమానుల హృదయాలను దోచుకున్నారు. ప్రసంగాన్ని ‘సోదర సోదరీమణులారా! నమస్కారం’ అంటూ ప్రారంభించి సభికుల కరతాళధ్వనులు అందుకున్నారు. శ్రీకృష్ణదేవరాయలు రచించిన ఆముక్తమాల్యదను గుర్తు చేస్తూ ‘దేశభాషలందు తెలుగులెస్స’ అనడంతో సభ చప్పట్లతో మార్మోగింది.

హైదరాబాద్, డిసెంబర్ 19: అంతర్జాతీయ భాషగా తెలుగుకు గుర్తింపు లభించిందని రాష్టప్రతి రామ్‌నాథ్ కోవింద్ పేర్కొన్నారు. హైదరాబాద్‌లోని ఎల్‌బి స్టేడియంలో మంగళవారం రాత్రి ప్రపంచ తెలుగు మహాసభల ముగింపు ఉత్సవంలో ఆయన మాట్లాడుతూ, దేశంలో ఎక్కువ మంది మాట్లాడే భాషల్లో రెండో స్థానంలో నిలిచిన తెలుగు ఖండాంతర ఖ్యాతి పొందిందన్నారు.

హైదరాబాద్, డిసెంబర్ 19: మాతృ భాషా పరిరక్షణకు ప్రతీ ఒక్కరూ నడుం బిగించాలని గవర్నర్ ఇఎస్‌ఎల్ నరసింహన్ పిలుపునిచ్చారు. ప్రపంచ తెలుగు మహాసభల ముగింపు సభలో గవర్నర్ ప్రసంగిస్తూ తెలుగు భాష గొప్ప సంపదన్నారు. తెలుగు భాషాభిమానులతో బమ్మెర పోతన ప్రాంగణం పులకించిందన్నారు. ఈ ఐదు రోజుల పాటు తెలుగు మహాసభలు అత్యంత వైభవోపేతంగా జరిగాయని గవర్నర్ ప్రశంసించారు.