హైదరాబాద్, నవంబర్ 8: భగవాన్ సత్యసాయి ఆధ్యాత్మిక ఉత్సవాల్లో పాల్గొనేందుకు వెళ్లే ప్రయాణీకుల సౌకర్యార్థం పుట్టపర్తికి నాలుగు ప్రత్యేక రైళ్లను నడుపుతున్నట్లు ద.మ.రైల్వే ప్రకటించింది. ఈ నెల 18న కాకినాడ పోర్ట్ రైల్వే స్టేషన్ నుంచి ప్రత్యేక రైలు బయలుదేరుతుండగా, తిరుగు ప్రయాణంలో 19వ తేదీన సత్యసాయి ప్రశాంతి నిలయం నుంచి బయలుదేరుతుందని రైల్వే తెలిపింది.

న్యూఢిల్లీ, నవంబర్ 7: ప్రముఖ సినీనటి, మాజీ ఎంపీ విజయశాంతి రానున్న అసెంబ్లీ ఎన్నికల్లో కాంగ్రెస్ పార్టీ తరఫున ప్రచారం చేస్తారని రాష్ట్ర వ్యవహారాల ఇంచార్జ్ కుంతియా ప్రకటించారు. విజయశాంతి మంగళవారం కాంగ్రెస్ ఉపాధ్యక్షుడు రాహుల్ గాంధీని కలిసి రాష్ట్ర రాజకీయాల గురించి చర్చించారు. పిసిసి అధ్యక్షుడు ఉత్తమ్ కుమార్ రెడ్డి, కుంతియా కూడా ఈ సమావేశానికి హాజరయ్యారు.

గద్వాల, నవంబర్ 7: వేరుశనగ రైతు కడుపు మండింది. ఆరుగాలం కష్టపడినా పెట్టుబడులు సైతం గిట్టుబాటు కాకపోవడంతో ఆగ్రహంతో ఊగిపోయారు. వేరుశనగకు మద్దతు ధర కల్పించకుండా దళారులు ఇష్టానుసారం వ్యవహరిస్తూ రైతును దగా చేస్తున్నారంటూ రెచ్చిపోయారు. జోగుళాంబ గద్వాల జిల్లా కేంద్రంలో వేరుశనగ రైతులు తిరుగబాటుకు దిగారు. మంగళవారం వ్యవసాయ మార్కెట్ యార్డుకు వేరుశనగను పంటను రైతులు తీసుకొచ్చారు.

హైదరాబాద్, నవంబర్ 7: మహానుభావుడు నిజాం అంటూ ముఖ్యమంత్రి కెసిఆర్ అసెంబ్లీ సాక్షిగా మరోసారి పొగడ్తలు కురిపించారు. ప్రపంచంలో ఎవరూ చేయని మంచి పనులు చేశారంటూ పొగిడారు. గతంలోనూ కెసిఆర్ నిజాంను పొగడినపుడు బిజెపి నేతలు, పలు సంఘాలు తీవ్ర అభ్యంతరం తెలిపిన సంగతి తెలిసిందే. భూముల రికార్డుల ప్రక్షాళన అంశంపై సోమ, మంగళవారం అసెంబ్లీలో సుదీర్ఘంగా చర్చ జరిగింది.