హైదరాబాద్, నవంబర్ 2: రాష్ట్ర విభజన సందర్భంగా సచివాలయ సహాయ సెక్షన్ అధికారి, సెక్షన్ అధికారి ఉద్యోగుల విభజనలో ఎపి ప్రభుత్వం ఏక పక్షంగా వ్యవహరించిందని తెలంగాణ నాన్ గెజిటెడ్ అధికారుల సంఘం ఆరోపించింది. విభజన మార్గదర్శకాలు రూపొందించే సమయంలో తెలంగాణ ఉద్యోగ సంఘాల సూచనలను పట్టించుకోలేదని యూనియన్ అధ్యక్ష, కార్యదర్శులు గిరి శ్రీనివాస్‌రెడ్డి, ఎన్.సురేష్‌కుమార్ ఒక ప్రకటనలో తెలిపారు.

భద్రాచలం టౌన్, నవంబర్ 2: భద్రాద్రి కొత్తగూడెం జిల్లా భద్రాచలం పట్టణ సరిహద్దున ఉన్న ఆంధ్రప్రదేశ్‌లోని యటపాక మండలంలో గోదావరి నదిలో ముగ్గురు గల్లంతయ్యారు. భద్రాచలం పట్టణానికి చెందిన బుద్దుల అరుణకుమారి(26), ఆమె సోదరుడు రాంప్రసాద్(22), మడకం రాణి(16), మరో ఐదుగురు దుస్తులు ఉతుక్కునేందుకు గోదావరి నదిలోకి వెళ్లారు.

హైదరాబాద్, నవంబర్ 2: ప్రయాణికుల రద్దీ దృష్ట్యా మచిలీపట్నం-సికిందరాబాద్-మచిలీపట్నం సూపర్‌ఫాస్ట్ ఎక్స్‌ప్రెస్ రైలును బీదర్ వరకు పొడిగించినట్టు దక్షిణ మధ్య రైల్వే ముఖ్య ప్రజా సంబంధాల అధికారి ఉమాశంకర్ కుమార్ తెలిపారు. ఈ రైళ్ల సమయ వేళలు వచ్చే మార్చి 1, 2 తేదీలనుంచి అమల్లోకి వస్తాయని తెలిపారు.

హైదరాబాద్, నవంబర్ 2: సంతాన సాఫల్యతా కేంద్రాల్లో ‘అద్దెగర్భం’ అంశంపై సమగ్రమైన చట్టం తెచ్చే యోచనలో ప్రభుత్వం ఉందని వైద్య ఆరోగ్య మంత్రి లక్ష్మారెడ్డి చెప్పారు. గురువారం శాసనసభలో జి చిన్నారెడ్డి, నలమడ పద్మావతి రెడ్డి, తాటిపర్తి జీవన్‌రెడ్డి, గీతారెడ్డి తదితరులు అడిగిన ప్రశ్నలకు మంత్రి బదులిస్తూ రాష్ట్రంలో తనిఖీ చేయకుండా పెద్ద సంఖ్యలో సంతాన సాఫల్యతా కేంద్రాలు నిర్వహిస్తున్న మాట నిజం కాదని అన్నారు.