అమరావతి, అక్టోబర్ 28: టిడిపినుంచి నిష్క్రమించిన తెలంగాణ యువనేత రేవంత్‌రెడ్డి రాజీనామా లేఖ పరిశీలిస్తే, నిష్క్రమణ వేదనాభరితంగానే సాగినట్టు స్పష్టమవుతోంది. ఊహించినదానికి భిన్నంగా తన మూడుపేజీల లేఖలో బాబుపై ప్రేమానురాగాలే ప్రదర్శించారు. బాబుపై తనకున్న ప్రేమాభిమానాలు చూపిస్తూనే, కార్యకర్తలంటే ప్రాణమంటూ గౌరవంగా నిష్క్రమించారు.

హైదరాబాద్, అక్టోబర్ 28: ఆంధ్ర, తెలంగాణకు ప్రాణాధారమైన శ్రీశైలం, నాగార్జునసాగర్ జలాశయాల్లో మొత్తం 530 టిఎంసి సామర్థ్యానికి 475 టిఎంసి నీటి లభ్యత ఉండడంతో ఈ ఏడాది నీటి వినియోగంపై కృష్ణాబోర్డు కసరత్తు ప్రారంభించింది. నవంబర్ 3 శనివారం ఇక్కడ కృష్ణా బోర్డు సమావేశమై నీటి కేటాయింపులను ఖరారు చేయనుంది. ఈ విషయాన్ని బోర్డు కార్యదర్శి పరమేశన్ రెండు రాష్ట్రాలకు తెలియచేశారు.

రాజమహేంద్రవరం, అక్టోబర్ 28: కడప జిల్లా రామరాజుపల్లిలోని ఫాతిమా మెడికల్ కాలేజీ విద్యార్థులకు న్యాయం చేస్తాం, విద్యార్థులు అధైర్యపడొద్దు.. మరోసారి కోర్టును అభ్యర్థిచే అంశాన్ని ఢిల్లీ వెళ్లి పరిశీలిస్తామని ఆరోగ్య మంత్రి కామినేని శ్రీనివాసరావు అన్నారు. ఫాతిమా విద్యార్థులకు ఏదో విధంగా న్యాయం చేసేందుకు అన్ని విధాలా కృషి చేస్తామన్నారు.

విజయవాడ, అక్టోబర్ 28: కర్మభూమికి తోడ్పడండి.. జన్మభూమి అభివృద్ధికి సహకరించండి.. అంటూ విదేశాల్లోని తెలుగువారికి పిలుపు ఇచ్చినట్టు ముఖ్యమంత్రి చంద్రబాబు నాయుడు వెల్లడించారు. తొమ్మిది రోజుల పాటు అమెరికా, యుఎఇ, బ్రిటన్‌లో పెట్టుబడుల ఆకర్షణ కోసం పర్యటించి, రాష్ట్రానికి తిరిగి వచ్చిన తరువాత, తన పర్యటన వివరాలను విజయవాడ సిఎం క్యాంప్ కార్యాలయంలో శనివారం ఏర్పాటు చేసిన మీడియా సమావేశంలో ఆయన వెల్లడించారు.