హైదరాబాద్, ఫిబ్రవరి 19: తెలంగాణలో ఎంటెక్, ఎంఫార్మసీ , ఎం ఆర్క్ తదితర పీజీ కోర్సుల్లో మొదటి సంవత్సరం ప్రవేశానికి మే 28వ తేదీ నుండి 31వ తేదీ వరకూ పీజీఈసెట్ నిర్వహించనున్నట్టు ఉన్నత విద్యామండలి చైర్మన్ ప్రొఫెసర్ టీ పాపిరెడ్డి , కన్వీనర్ ప్రొఫెసర్ ఎం కుమార్‌లు తెలిపారు. పీజీఈసెట్ ఫలితాలను జూన్ 15న విడుదల చేస్తామని ఆయన చెప్పారు. బుధవారం నాడు పీజీఈసెట్ షెడ్యూలును ఆయన విడుదల చేశారు.

వేములవాడ/వేములవాడటౌన్, ఫిబ్రవరి 19: శివరాత్రి పర్వదినాన్ని పురస్కరించుకుని దక్షిణకాశీగా పేరుగాంచిన వేములవాడ శ్రీ రాజరాజేశ్వరస్వామి ఆలయంలో గురువారం నుంచి ప్రారంభం కానున్న మూడురోజుల జాతరకు దేవాదాయ శాఖ, జిల్లా రెవెన్యూ యంత్రాంగం అన్ని ఏర్పాట్లు చేసింది. ఇందుకు కోటి 30 లక్షల రూపాయలను దేవాదాయ శాఖ కేటాయించింది.

గుంటూరు: ధాన్యం కొనుగోలు కేంద్రాల్లో పంట అమ్మిన 48 గంటల్లో సొమ్ము చెల్లిస్తామని చెప్పిన ప్రభుత్వం వారాలు గడిచినా చెల్లించలేదేమని జనసేన అధ్యక్షుడు పవన్‌కళ్యాణ్ ప్రశ్నించారు. తాడేపల్లిలోని జనసేన పార్టీ కేంద్ర కార్యాలయం నుండి ఈ మేరకు మంగళవారం ఒక ప్రకటన విడుదల చేశారు. రైతుల సంక్షేమం, భరోసా అంటూ ఎన్నికల హామీలు ఇచ్చి అధికారంలోకి వచ్చిన తర్వాత హామీలను విస్మరిస్తున్నారన్నారు.

శ్రీ కాళహస్తి, ఫిబ్రవరి 18: సమస్త భూత గణాలకు ఆధిపత్యం వహిస్తున్న ముక్కంటీశ్వరుడు సూర్యప్రభ, చప్పర వాహనాలపై భక్తకోటికి దర్శనమిచ్చారు. మహాశివరాత్రి బ్రహ్మోత్సవాల్లో భాగంగా రెండోరోజు జరిగే ఉత్సవాలను భూతరాత్రి అంటారు. ఈ సందర్భంగా మంగళవారం ఉదయం స్వామి, అమ్మవార్లతో పాటు శ్రీ వల్లీ దేవసేన సమేతుడైన సుబ్రహ్మణ్యస్వామి చండికేశ్వరుడితో కలిసి చతుర్మాడ వీధులలో అంగరంగ వైభవంగా ఊరేగారు.