హైదరాబాద్, జూన్ 15: రాష్ట్రంలో ఇంజనీరింగ్ కాలేజీలకు మరో షాక్ తగిలింది. ఇంజనీరింగ్ కాలేజీల్లో సీట్లకు విశ్వవిద్యాలయాలు భారీగా కోత విధించాయి. ఎఐసిటిఇ 250కాలేజీల్లో 1,26,315సీట్లకు అనుమతి ఇవ్వగా, రాష్ట్రంలోని నాలుగు విశ్వవిద్యాలయాలు మాత్రం 192 కాలేజీలకే అనుబంధ గుర్తింపునిచ్చాయి.

అమరావతి, జూన్ 15: తెలుగుదేశం పార్టీలో రోజురోజుకూ పెరుగుతున్న సమన్వయ లోపంపై అధినేత, ముఖ్యమంత్రి చంద్రబాబునాయుడు తీవ్ర అసంతృప్తి వ్యక్తం చేశారు. సొంత అజెండాలతో కొందరు నేతలు పార్టీని బజారున పడేస్తున్నారని, ఇకపై ఇలాంటివి సహించేది లేదని ఆయన స్పష్టం చేశారు. క్రమశిక్షణ ఉల్లంఘించేవారిపై ముందుగా చర్యలు తీసుకుని ఆ తరువాత విచారణ చేపడతామని ఆయన అన్నారు.

విజయవాడ, జూన్ 15: ఆంధ్రప్రదేశ్ రైల్వే ఇన్‌ఫ్రాస్ట్రక్చర్ డెవలప్‌మెంట్ కార్పొరేషన్ ఏర్పాటుకు రాష్ట్ర మంత్రిమండలి ఆమోదం తెలిపింది. రాష్ట్రంలో రైల్వే ప్రాజెక్టులను త్వరితగతిన పూర్తిచేయటానికి భారతీయ రైల్వేలతో జాయింట్ వెంచర్ నెరపేందుకు ఈ కార్పొరేషన్‌ను ఏర్పాటు చేయనున్నారు. రాష్ట్రంలో కొత్త రైల్వే స్టేషన్లు, రైల్వే ట్రాక్‌ల నిర్మాణం త్వరగా పూర్తి చేసేందుకు ఈ కార్పొరేషన్ చర్యలు చేపడుతుంది.

హైదరాబాద్, జూన్ 14: కవిరాజు అమరపురికి తరలివెళ్లిపోయాడు. దివిజకవివరులను అలరించేందుకు మహాకవి దివికేగిపోయాడు. తెలంగాణ రాష్ట్రప్రభుత్వం తరపున ముఖ్యమంత్రి కె.చంద్రశేఖర్ రావు స్వీయ పర్యవేక్షణలో జ్ఞానపీఠ అవార్డు గ్రహీత, పద్మభూషణ్ డాక్టర్ సింగిరెడ్డి నారాయణ రెడ్డి అంత్యక్రియలు అధికార లాంఛనాలతో ఘనంగా జరిగాయి.