హైదరాబాద్, జూన్ 7: తెలంగాణ రాష్ట్రంలో బిఇడి, డిఇడి కోర్సులు పూర్తి చేసుకున్న అభ్యర్థుల కోసం ఉపాధ్యాయ అర్హత పరీక్ష (టెట్) నిర్వహించేందుకు ప్రభుత్వం షెడ్యూల్ విడుదల చేసింది. టెట్ నిర్వహణ, తర్వాత డిఎస్‌సి నిర్వహణకు సంబంధించి విద్యాశాఖకు చెందిన ఉన్నతాధికారులతో ఉప ముఖ్యమంత్రి కడియం శ్రీహరి బుధవారం సమీక్ష సమావేశం నిర్వహించారు.

హైదరాబాద్, జూన్ 6: రెండవ తరగతి నుంచే పాఠ్య పుస్తకాల్లో పర్యావరణం అంశాన్ని చేర్చి విద్యార్థులకు బోధిస్తున్నట్టు తెలంగాణ, ఆంధ్రప్రదేశ్ రాష్ట్రాలు హైదరాబాద్ హైకోర్టు దృష్టికి తీసుకువచ్చాయి. పర్యావరణంపై తప్పనిసరిగా బోధించాల్సి ఉండగా, ఉభయ రాష్ట్రాలు బోధించడం లేదని టి ధన్‌గోపాల్‌రావు పిటిషన్ దాఖలు చేశారు.

రాష్టవ్య్రాప్తంగా గత కొంతకాలంగా ప్లాస్టిక్ బియ్యంపై కలకలం రేగుతోంది. అదే తరహలో కోడి గుడ్లు, మిర్చి, క్యాబేజీపైనా ప్లాస్టిక్ అనుమానాలు రేకెత్తుతున్నాయి. హైదరాబాద్ మీర్‌పేట్‌లోని నందనవనంలో మంగళవారం ప్లాస్టిక్ బియ్యం విక్రయాలు బయటపడడంతో నగర వాసులు వామ్మో.. ప్లాస్టిక్ బియ్యమా? అంటూ బెంబేలెత్తిపోతున్నారు. అశోక్ అనే వ్యక్తి ఫిర్యాదుమేరకు అధికారులు స్పందించారు.

హైదరాబాద్, జూన్ 6: భూకబ్జా కేసులో తెలుగు దేశం ఏపీ ఎమ్మెల్సీ దీపక్‌రెడ్డిని పోలీసులు అరెస్టు చేశారు. ఎమ్మెల్సీ దీపక్‌రెడ్డికి సహకరించిన న్యాయవాదిని, మరో బ్రోకర్‌నూ పోలీసులు అరెస్టు చేశారు. బంజారాహిల్స్‌లో విలువైన భూమిని కబ్జా చేసినట్టు ఆ భూమి యజమాని లోగడ పోలీసులకు ఫిర్యాదు చేశారు. దీనిపై సిసిఎస్ పోలీసులు ఇదివరకే ఆయనకు నోటీసు పంపించినప్పటికీ, స్పందించలేదని తెలిసింది.