హైదరాబాద్, మార్చి 22: ప్రజల డిపాజిట్లను స్వాహా చేసిన అక్షయ గోల్డ్ కంపెనీ వ్యవస్థాపక డైరెక్టర్లను ఎందుకు అరెస్టు చేయలేదని, ఈ వ్యవహారంపై వచ్చే సోమవారంలోగా హైకోర్టుకు పూర్తి సమాచారం ఇవ్వాలని హైకోర్టు ఆంధ్ర సిఐడి అధికారులను ఆదేశించింది. కర్నూలుకు చెందిన రామ మాదయ్య, గుంటూరుకు చెందిన పూర్ణచంద్రరావు దాఖలు చేసిన రెండు వేరువేరు పిల్స్‌ను హైకోర్టు ధర్మాసనం విచారించింది.

హైదరాబాద్/ ఖైరతాబాద్, మార్చి 21: ఐఏఎస్ అధికారి ఇంటి డ్రైవర్ నాగరాజు హత్య కేసులో చిక్కుముడి వీడింది. నాగరాజు హత్యపై రెండు రోజులపాటు విచారణ కొనసాగింది. ఎట్టకేలకు డ్రైవర్ నాగరాజును ఐఏఎస్ అధికారి కొడుకు వెంకట్ సుక్రునాయక్ హత్య చేసినట్టు పోలీసులు నిర్థారించారు. హైదరాబాద్ జూబ్లీహిల్స్ పోలీస్ స్టేషన్‌లో నమోదైన హత్య కేసులో ఐఏఎస్ అధికారి ధరావత్ వెంకటేశ్వర్లు ప్రమేయం కూడా ఉన్నట్టు పోలీసులు గుర్తించారు.

హైదరాబాద్, మార్చి 21: తెలంగాణను సస్యశ్యామలం చేసేందుకు చేపట్టిన భారీ, మధ్యతరహా నీటిపారుదల ప్రాజెక్టులను అడ్డుకోవద్దంటూ కాంగ్రెస్‌ను ఉద్దేశించి నీటిపారుదల మంత్రి టి హరీశ్‌రావు కోరారు. రాష్ట్ర శాసనసభలో నీటిపారుదల ప్రాజెక్టులపై సోమవారం జరిగిన చర్చలో మాట్లాడుతూ కాంగ్రెస్ హయాంలో కేవలం శంకుస్థాపనలకే ప్రాజెక్టులను పరిమితం చేశారని ఆరోపించారు.

తిరుపతి, మార్చి 21: శ్రీవారిని దర్శించుకునేందుకు వచ్చే భక్తులకు నకిలీ విఐపి టికెట్లు అందించి అడ్డదారుల్లో కోట్లు దండుకున్న వారి పాపం పండింది. తిరుమల వన్‌టౌన్ సిఐ వెంకటరవి ఈ దళారీల ముఠా గుట్టు రట్టు చేశారు. తొమ్మిది మందిని అరెస్టు చేసి రిమాండ్‌కు పంపారు. వీరికి అన్ని రకాలుగా సహకరించిన టిటిడిలో సూపరింటెండెంట్‌గా పనిచేస్తున్న ధర్మయ్య పరారీలో ఉన్నాడు.