హైదరాబాద్, మార్చి 18: కోర్టు ధిక్కారణ కేసులో గ్రేటర్ విశాఖపట్నం మున్సిపల్ కార్పోరేషన్ మాజీ కమిషనర్ ప్రవీణ్ కుమార్‌కు హైదరాబాద్ హైకోర్టు నెల రోజుల సాధారణ జైలు శిక్ష లేదా 1500 రూపాయల జరిమానా విధించింది. నాలుగు వారాల్లోగా 1500 రూపాయల జరిమానా చెల్లించాలని, లేదా 30 రోజులు సాధారణ జైలు శిక్ష అనుభవించాలని జస్టిస్ రామచంద్ర రావు ఆదేశిస్తూనే జైలు శిక్ష అమలును నాలుగు వారాల పాటు సస్పెండ్ చేసింది.

హైదరాబాద్, మార్చి 18: ఉగాది పండుగ ఈనెల 29నే నిర్వహిస్తామని, అందులో ఎలాంటి మార్పూలేదని తెలంగాణ ప్రభుత్వం స్పష్టం చేసింది. రాష్ట్ర ప్రభుత్వం తరఫున ప్రభుత్వ సలహాదారు, తెలంగాణ రాష్ట్ర బ్రాహ్మణ సంక్షేమ పరిషత్ చైర్మన్ కెవి రమణాచారి ఈ విషయం స్పష్టం చేశారు. తెలంగాణ విద్వత్సభ ప్రతినిధుల బృందం శనివారం రమణాచారిని కలిసి వినతిపత్రం సమర్పించారు. ఇదే వినతిపత్రాన్ని సిఎం కెసిఆర్‌కూ పంపించారు.

నరసరావుపేట, మార్చి 18: అందరికీ ఆరోగ్యం ప్రభుత్వం తన బాధ్యతగా భావించి, ఆ దిశగా అనేక కార్యక్రమాలను అమలు చేస్తోందని ముఖ్యమంత్రి చంద్రబాబు నాయుడు చెప్పారు. గుంటూరు జిల్లా ముప్పాళ్ల మండలం గోళ్లపాడు గ్రామంలో కస్తూరిబా బాలికల పాఠశాలలో కేంద్ర మంత్రి సుజనాచౌదరి, శాసనసభ స్పీకర్ డాక్టర్ కోడెల శివప్రసాదరావులతో కలిసి ఆరోగ్యరక్ష కార్యక్రమాన్ని సోమవారం ఆయన ప్రారంభించారు.

అమరావతి, మార్చి 18: మంత్రివర్గ విస్తరణకు ముఖ్యమంత్రి చంద్రబాబు నాయుడు ముహూర్తం నిర్ణయించారు. పార్టీ వర్గాల సమాచారం ప్రకారం వచ్చే నెల 6న విస్తరణ ఉండవచ్చని తెలుస్తోంది. ఆరోజు దశమి, పైగా గురువారం కూడా కావడంతో ముహూర్త బలం బాగుంటుందని పండితులు కూడా సూచించినట్లు పార్టీ వర్గాలు చెబుతున్నాయి. మంత్రివర్గ విస్తరణ కోసం 6, 7, 8 తేదీలను పరిశీలించారు.