న్యూఢిల్లీ, నవంబర్ 18: రద్దయిన పెద్ద నోట్లలో ఉన్న తమ నల్ల ధనాన్ని కొంతమంది ఇతరుల జన్‌ధన్ బ్యాంకు ఖాతాలలో డిపాజిట్ చేస్తున్నట్టు వస్తున్న వార్తల పట్ల కేంద్రం అప్రమత్తమయింది. ఇతరుల పాత నోట్లను తమ ఖాతాలలో జమ చేయడం ద్వారా తమ ఖాతాలను దుర్వినియోగం చేస్తే ఆదాయపు పన్ను చట్టం కింద ప్రాసిక్యూట్ చేయడం జరుగుతుందని జన్‌ధన్ ఖాతాదారులను, గృహిణులను, చేతివృత్తుల వారిని ప్రభుత్వం శుక్రవారం హెచ్చరించింది.

విజయవాడ, నవంబర్ 18: రాష్ట్రం చిల్లర నోట్ల సమస్య ఎదుర్కొంటున్న నేపథ్యంలో 10 వేల కోట్ల చిన్న నోట్లను పంపాలని రిజర్వు బ్యాంక్ అధికారులకు ముఖ్యమంత్రి చంద్రబాబు విజ్ఞప్తి చేశారు. ఇ-పోస్ యంత్రాలను 80 శాతం రాయితీపై సరఫరా చేయాలని, ఆన్‌లైన్ లావాదేవీలకు ప్రోత్సాహకాలు ఇవ్వాలని కోరారు.

విశాఖపట్నం, నవంబర్ 18: నల్లధనం వెలికితీతలో రూ.500, రూ.1000 నోట్లు రద్దుచేస్తూ ప్రధాని నరేంద్ర మోదీ తీసుకున్న నిర్ణయం తొలి అడుగు మాత్రమేనని బిజెపి జాతీయ ప్రధాన కార్యదర్శి పి.మురళీధర్ రావు పేర్కొన్నారు. విశాఖలో శుక్రవారం ఏర్పాటు చేసిన విలేఖరుల సమావేశంలో ఆయన మాట్లాడుతూ నల్లధనం వెలికితీసే క్రమంలో భవిష్యత్‌లో మోదీ తీసుకునే నిర్ణయాలు దేశ గతినే మార్చేస్తాయన్నారు.

హైదరాబాద్/ ఖైరతాబాద్, నవంబర్ 18: చదువులో మరింత రాణించాలంటూ ఉపాధ్యాయులు చేసిన ఒత్తిడి భరించలేక ఇంటర్మీడియట్ రెండవ సంవత్సరం చదువుతున్న ఓ విద్యార్థిని ఆత్మహత్య చేసుకుంది. మోతీనగర్‌లో నివాసం ఉండే ఎల్లయ్య బోరబండలోని ప్రభుత్వ పాఠశాల టీచర్‌గా విధులు నిర్వహిస్తున్నారు. అతని కుమార్తె శ్రీ వర్ష (17)ను గత సంవత్సరం ఎస్‌ఆర్ నగర్‌లోని నారాయణ కాలేజీలో చేర్పించారు.