హైదరాబాద్, నవంబర్ 15: పెద్దనోట్ల రద్దు ప్రభావం ఉల్లిపై తీవ్రంగా పడబోతోంది. ఉల్లిపంట ఈసారి బాగానే ఉన్నా ఒక్కో లారీ ఉల్లికి దిగుమతి, రవాణా, హమాలీ చార్జీలు కలిపి 50వేల రూపాయల వరకు వ్యయం అవుతుంది. కానీ, నోట్లరద్దుతో నగదు చెలామణిలో లేకుండా పోవటంతో వ్యాపారానికి పెద్ద విఘాతం ఏర్పడింది. ప్రస్తుత పరిస్థితిలో తాము ట్రేడింగ్ చేయలేమని వ్యాపారులు తేల్చి చెప్తున్నారు.

హైదరాబాద్/ ఖైరతాబాద్, నవంబర్ 15: దేశంలో కొద్దిసంఖ్యలో ఉన్న నల్లకుబేరుల కోసం యావత్ దేశ ప్రజలను ఇబ్బందులకు గురిచేయడం సరైన నిర్ణయం కాదని మాజీ ఎంపి ఉండవల్లి అరుణ్‌కుమార్ అన్నారు. మంగళవారం సోమాజిగూడ ప్రెస్‌క్లబ్‌లో ఏర్పాటు చేసిన విలేఖరుల సమావేశంలో ఆయన మాట్లాడారు. నల్లధనాన్ని నిరోధించే పేరుతో దేశాన్ని స్తంభింపచేయడం ఏమిటని ప్రశ్నించారు.

ప్రత్తిపాడు, నవంబర్ 15: సత్యాగ్రహ పాదయాత్రకు పూనుకున్న కాపు ఉద్యమనేత ముద్రగడ పద్మనాభాన్ని మంగళవారం పోలీసులు గృహనిర్బంధం చేశారు. దీంతో ఆయన పాదయాత్రను వాయిదా వేసుకుంటున్నానని, విడుదల తరువాత మళ్లీ ప్రారంభిస్తానని ప్రకటించారు. బ్రిటిష్ హయాంలోనూ లేనంత నిర్బంధకాండను ప్రస్తుతం రాష్ట్ర ప్రజలు ఎదుర్కొంటున్నారని ఈ సందర్భంగా ముద్రగడ పద్మనాభం ధ్వజమెత్తారు.

హైదరాబాద్, నవంబర్ 15: పెద్ద నోట్ల రద్దు ప్రభావంతో అవినీతి నిరోధక శాఖకు వచ్చే ఫిర్యాదుల సంఖ్య గణనీయంగా తగ్గిపోయింది. తెలంగాణ అవినీతి నిరోధక శాఖ ఫోన్‌కు హైదరాబాద్, సికింద్రాబాద్‌తో సహా తెలంగాణ రాష్ట్రం నలుమూలల నుంచి సగటున రోజూ 20 వరకు అవినీతిపై ఫిర్యాదులు వచ్చేవి. కాని ప్రధాని నరేంద్రమోదీ గత మంగళవారం పెద్దనోట్ల రద్దు ప్రకటనతో అవినీతిపై ఫిర్యాదులు తగ్గినట్లు ఏసిబి వర్గాలు తెలిపాయి.