హైదరాబాద్, అక్టోబర్ 6: తెలంగాణలో పదో తరగతి పరీక్ష ఫీజు చెల్లింపునకు ఈ నెల 31 వ తేదీ వరకూ గడువు విధించారు. 50 రూపాయిల జరిమానాతో నవంబర్ 15 వరకూ, 200 రూపాయిల జరిమానాతో నవంబర్ 30 వరకూ, 500 రూపాయిల జరిమానాతో డిసెంబర్ 7వ తేదీ వరకూ గడువు విధించారు. రెగ్యులర్ అభ్యర్ధులు 125 రూపాయిలు, మూడు లేదా అంతకంటే తక్కువ సబ్జెక్టులకు హాజరయ్యే వారు 110 రూపాయిలు చెల్లించాల్సి ఉంటుంది.

హైదరాబాద్, అక్టోబర్ 6: తెలంగాణ పోలీసులు ఉగ్రవాద అనుమానితుల కదలికలపై గట్టి నిఘా వేసి కేంద్ర దర్యాప్తు సహకరించడంలో ముందున్నారు. తెలంగాణలో తీవ్రవాద కార్యకలాపాలకు అడ్డుకట్ట వేసి జాతీయ స్థాయిలో శభాష్ అనిపించుకున్న తెలంగాణ పోలీసులు, ఇప్పుడు ఉగ్రవాదంపై ఉక్కుపాదం మోపడంలో కూడా కీలక పాత్ర పోషిస్తున్నారు.

తిరుమల, అక్టోబర్ 5: తిరుమల శ్రీ వేంకటేశ్వరస్వామి వారి బ్రహ్మోత్సవాల్లో మూడోరోజైన బుధవారం ఉదయం అనంతతేజోమూర్తి అయిన శ్రీ మలయప్ప స్వామి సింహ వాహనంపై అధిరోహించి భక్తులకు అభయమిచ్చారు. దుష్టశిక్షణ కోసం నారసింహునిగా మలయప్ప భక్తులను అనుగ్రహించారు. ఉదయం 9 గంటల నుంచి 11 గంటల వరకు స్వామివారు నాలుగు మాడ వీధుల్లో విహరించి భక్తులకు దర్శనభాగ్యం కల్పించారు.

శంషాబాద్, అక్టోబర్ 5: ఇతర దేశాలతో సఖ్యతతో ఉండాలనేది భారతదేశ విధానమని త్రిదండి రామానుజ చిన్నజీయర్ స్వామి అన్నారు. బుధవారం శంషాబాద్ మండలం ముచ్చింతల గ్రామంలోని శ్రీరామనగరంలో జరిగిన విలేఖరుల సమావేశంలో చిన్నజీయర్ స్వామి మాట్లాడుతూ.. ఇతర దేశాలతో సఖ్యతతో ఉండాలని భారతదేశం కోరుకుటుందని అన్నారు. దేశ ప్రధాని నరేంద్రమోదీ పిలుపుమేరకు సైనికుల సంక్షేమానికి రూ.10 లక్షల విరాళం ప్రకటించారు.