హైదరాబాద్, అక్టోబర్ 3: ఇటీవల పంజగుట్ట వద్ద జరిగిన చిన్నారి రమ్య ప్రమాద ఘటన మరువకముందే మరోసారి అలాంటి ప్రమాదమే సోమవారం ఔటర్ రింగ్‌రోడ్డుపై చోటుచేసుకుంది. రంగారెడ్డి జిల్లా పెద్ద అంబర్‌పేట వద్ద కారు అదుపుతప్పి తల్లీ కూతుళ్లను ఢీకొట్టింది. ప్రమాదంలో ఐదేళ్ల చిన్నారి బ్రెయిన్ డెడ్ అయ్యింది.

గుంటూరు, అక్టోబర్ 3: గుంటూరు జిల్లా వెలగపూడిలోని కొత్త సచివాలయంలో యంత్రాంగం కొలువుతీరింది. మొత్తం 32 ప్రభుత్వ శాఖలకు గాను 28 విభాగాలకు చెందిన 15 వందల మంది రెగ్యులర్, మరో 500 మంది ఔట్‌సోర్సింగ్ ఉద్యోగులు సోమవారం విధులకు హాజరయ్యారు. మొదటి బ్లాక్ మినహా మిగిలిన నాలుగు బ్లాకులలో 3వేల మంది వరకు ఉద్యోగులకు సీటింగ్ సదుపాయం కల్పించారు. అన్ని శాఖలకు కార్యాలయాలను బ్లాకుల వారీగా ఇప్పటికే నిర్దేశించారు.

గుంటూరు, అక్టోబర్ 3: ‘విభజన అనివార్యమైంది.. స్వరాష్ట్రంలో మేము ఉద్యోగాలు చేయక తప్పదు.. అభివృద్ధిని కాంక్షించి ముఖ్యమంత్రి పిలుపు మేరకు నవ్యాంధ్ర నిర్మాణంలో భాగస్వాములం కావడమే మా తక్షణ కర్తవ్యం’ అని సచివాలయ ఉద్యోగినులు అన్నారు.

విశాఖపట్నం, అక్టోబర్ 3: విశాఖ షిప్‌యార్డుకు మంచిరోజులు రాబోతున్నాయి. దేశంలోనే పురాతనమైన, నాణ్యమైన నౌకల తయారీగా పేరొందిన విశాఖ షిప్‌యార్డు అనేక భారీ నౌకలను తయారు చేసి కీర్తి ప్రతిష్ఠలను ఆర్జించిన సంగతి తెలిసిందే. అయితే, పాతికేళ్ల కిందట నుంచి నష్టాల ఊబిలో కూరుకుపోయింది. ఈ షిప్‌యార్డుకు ఎంతమంది చైర్మన్‌లుగా వచ్చినా, దీని దశ, దిశను మార్చలేకపోయారు.