విజయవాడ, జూన్ 4: రెండేళ్ల తెలుగుదేశం ప్రభుత్వం హయాంలో సాధించిన అభివృద్ధి, సంక్షేమ ఫలాలు అన్ని వర్గాలకు అందుతున్నాయని ముఖ్యమంత్రి చంద్రబాబు స్పష్టం చేశారు. సంక్షేమ పథకాల అమలులో అధికారుల కృషి అభినందనీయమన్నారు. రాష్ట్ర ప్రజల నుండి 90శాతం సంతృప్తికర స్పందన వస్తోందన్నారు. శనివారం ఆయన తన నివాస గృహం ఉండవల్లి నుండి ప్రజాప్రతినిధులు, అధికార యంత్రాంగంతో టెలికాన్ఫరెన్స్ నిర్వహించారు.

కర్నూలు/ఆదోని, జూన్ 4: కర్నూలు జిల్లాలో శనివారం ఉదయం కర్నాటక రోడ్డు రవాణా సంస్థ బస్సుకు పెనుప్రమాదం తప్పింది. హంద్రీనది వరదలో చిక్కుకున్న బస్సు ప్రయాణికులను సమీప గ్రామస్థులు సురక్షితంగా బయటకు తీసుకురావడంతో అంతా ఊపిరి పీల్చుకున్నారు. మరో సంఘటనలో కల్లేవంక వాగులో జొన్నల లారీ బోల్తా పడడంతో అందులోని ముగ్గురిని పోలీసులు రక్షించారు. శనివారం తెల్లవారుజామున జిల్లాలో భారీవర్షం కురిసింది.

హైదరాబాద్, జూన్ 4: సచివాలయం ఉద్యోగుల గుండెల్లో జూన్ 27 గడువుగుబులు రేకెత్తిస్తోంది. ఉండటానికి ఇల్లు లేదు...పిల్లల్ని చేర్పించేందుకు స్కూలు లేదు..ఉద్యోగం చేయడానికి సరైన వసతి లేదు...ఎలా వెళ్లాలి? అనే ప్రశ్న వారిని వేధిస్తోంది. ఉద్యోగుల ప్రశ్నలకు ప్రభుత్వం వద్ద సరైన సమాధానం లేదు. రాకపోతే ఊరుకోనంటూ తాజాగా ముఖ్యమంత్రి అల్టిమేటమ్ జారీ చేయడంతో ఉద్యోగులకు ఏం చేయాలో పాలుబోవడం లేదు.

హైదరాబాద్, జూన్ 3: ఓటుకు నోటు కేసులో నాల్గవ నిందితుడిగా ఉన్న జెరూసలేం మత్తయ్యపై తెలంగాణ ఏసిబి నమోదు చేసిన క్రిమినల్ ప్రొసీడింగ్స్‌ను హైకోర్టు కొట్టివేసింది. దీంతో మత్తయ్యకు ఊరట లభించింది. ఓటుకు నోటు కేసు దేశవ్యాప్తంగా సంచలనం కలిగించిన విషయం తెలిసిందే. జస్టిస్ బి శివశంకర్ రావు కేసును విచారించారు.