హైదరాబాద్, ఫిబ్రవరి 5: శ్రీశైలం, కండలేరు నుంచి చెన్నై నగరానికి మంచినీటి కోసం నీరు విడుదల చేయాలని తమిళనాడు నీటిపారుదలశాఖ అధికారులు కృష్ణానదీ యాజమాన్య బోర్డును కోరారు. జలసౌధలో బుధవారం కృష్ణానదీ యాజమాన్య బోర్డు చైర్మన్ చంద్రశేఖర్ అయ్యర్ అధ్యక్షతన బోర్డు సమావేశం జరిగింది. ఈ సమావేశానికి తమిళనాడు, ఆంధ్రప్రదేశ్, తెలంగాణ మూడు రాష్ట్రాల నుంచి ఇంజనీర్లు హాజరయ్యారు.

మేడారం, ఫిబ్రవరి 5: తెలంగాణ కుంభమేళాగా పేరుగాంచిన మేడారం సమ్మక్క - సారలమ్మ జాతరలో ప్రధాన ఘట్టంలో భాగంగా గురువారం సమ్మక్క తల్లి చిలకలగుట్ట నుండి మేడారంలోని గద్దెలకు చేరనుంది. బుధవారం సమ్మక్క కుమార్తె సారలమ్మతో పాటు గోవిందరాజు, పగిడిద్దరాజు బుధవారమే మేడారం చేరుకోగా, గురువారం తల్లి సమ్మక్కను గిరిజన పుజారులు చిలకలగుట్ట నుండి కుంకుమభరిణె రూపంలో గద్దెలకు తీసుకువస్తారు.

హైదరాబాద్, ఫిబ్రవరి 5: అడవుల్లో అగ్నిప్రమాదాలు జరగకుండా అవసరమైన చర్యలు తీసుకోవాలని, క్షేత్రస్థాయి సిబ్బంది ఎండాకాలం మొత్తం అప్రమత్తంగా ఉండాలని రాష్ట్ర అటవీ శాఖ అధికారి (హెడ్ ఆఫ్ ఫారెస్ట్ ఫోర్స్) ఆర్. శోభ ఆదేశించారు. నల్లమల అడవుల్లో ఇటీవల జరిగిన అగ్నిప్రమాదాల నేపథ్యంలో రాష్ట్ర వ్యాప్తంగా ఉన్న అటవీ అధికారులతో బుధవారం ఆమె వీడియో కాన్ఫరెన్స్ ద్వారా అరణ్యభవన్ నుండి మాట్లాడారు.

హైదరాబాద్, ఫిబ్రవరి 5: తెలంగాణలో కొనసాగసతున్న గ్రీన్‌ఛాలెంజ్‌కి విదేశీ క్రీడాకారులు స్వీకరించారు. అందకు ప్రతి క్రీడాకారుడు ఒక మొక్క నాటారు. ఎంపీ జోగినపల్లి సంతోష్‌కుమార్ విసిరిన గ్రీన్ ఇండియా ఛాలెంజ్‌కి ఇప్పటికే తెలంగాణతో పాటు పలు రాష్ట్రాల్లో వివిధ రంగాలకు చెందిన ప్రముఖలు గ్రీన్‌ఛాలెంజ్‌ని స్వీకరించారు.