హైదరాబాద్, ఏప్రిల్ 4: హైదరాబాద్ సెంట్రల్ యూనివర్శిటీ(హెచ్‌సియు)లో ఉద్యమాలు రాజుకుంటున్నాయి. సోమవారం నాడు చలో రాజ్‌భవన్ నిర్వహించిన విద్యార్థి నాయకులు మంగళవారం, బుధవారాలకు ఆందోళన కార్యక్రమాలు రూపొందించారు. 13న భారీ ర్యాలీకి సన్నద్ధమవుతున్నారు. వైస్ చాన్సలర్ అప్పారావును తొలగించాలన్న డిమాండ్‌తో హెచ్‌సియు జాక్ నేతలు ఉద్యమిస్తున్నారు. 6న చలో హెచ్‌సియు కార్యక్రమాన్ని చేపడతారు.

హైదరాబాద్, ఏప్రిల్ 4: భారత విద్యార్థి ఫెడరేషన్ ఈ నెల 12వ తేదీన రెండు రాష్ట్రాల్లో నమూనా ఎంసెట్‌ను నిర్వహిస్తున్నట్టు మాజీ ఎమ్మెల్సీ చుక్కా రామయ్య, ఎపి రాష్టక్రార్యదర్శి ఎస్ నూర్ మహమ్మద్, టిఎస్ కార్యదర్శి బి సాంబశివలు తెలిపారు. గత 15 ఏళ్లుగా మోడల్ ఎమ్సెట్‌ను నిర్వహిస్తున్నామని, రాష్ట్రప్రభుత్వం నిర్వహించే ఎంసెట్‌కు ధీటుగా ఇది ఉంటోందని వారన్నారు.

హైదరాబాద్, ఏప్రిల్ 4: మద్యం సేవించి వాహనాలు నడుపుతున్న వారిని అదుపు చేసేందుకు తగిన కార్యాచరణను రూపొందించి, ఆ నివేదికను తమకు అందజేయాల్సిందిగా ఎపి, తెలంగాణ ప్రభుత్వాలను హైకోర్టు ఆదేశించింది. గత నెల 15న విజయవాడ శివారులోని గొల్లపూడి వద్ద వైద్య విద్యార్థుల బస్సు దుర్ఘటనలో నలుగురు విద్యార్థులు చనిపోవడంపై పత్రికల్లో వచ్చిన వార్తలను సుమోటోగా స్వీకరించిన హైకోర్టు సోమవారం ఈ ఆదేశాలు జారీ చేసింది.

న్యూఢిల్లీ, ఏప్రిల్ 4: తెలంగాణలో కాంగ్రెస్ పార్టీని పటిష్ఠం చేసేందుకు అనుసరించవలసిన వ్యూహంపై కాంగ్రెస్ అధినాయకత్వం దృష్టి సారించింది. రాష్ట్ర వ్యవహారాల ఇంచార్జ్ దిగ్విజయ్ సింగ్ సోమవారం సాయంత్రం తమ నివాసంలో సిఎల్‌పి నాయకుడు కె జానారెడ్డి, విధాన మండలిలో కాంగ్రెస్ పక్షం నాయకుడు షబ్బీర్ అలీ, పిసిసి కార్యనిర్వాహక అధ్యక్షుడు భట్టి విక్రమార్కతో సమాలోచన జరిపారు.