హైదరాబాద్/ నాచారం, ఏప్రిల్ 1: హిందూత్వమనేది ప్రకృతి విధ్వంసానికి అనుకూలమైనది కాదని, అది ప్రకృతి విధ్వంసాన్ని ఎప్పటికీ ఒప్పుకోదని బిజెపి మాజీ జాతీయ ప్రధాన కార్యదర్శి కెఎన్ గోవిందాచార్య అన్నారు. అవేర్‌నెస్, యాక్షన్ సంస్థ ఆధ్వర్యంలో శుక్రవారం ఉస్మానియా యూనివర్శిటీ క్యాంపస్‌లోని దూర విద్యాకేంద్రంలో జాతీయవాదం అనే అంశంపై నిర్వహించిన సదస్సులో ఆయన ప్రసంగించారు.

న్యూఢిల్లీ, ఏప్రిల్ 1: పట్టిసీమ ఎత్తిపోతల పథకం పోలవరం ప్రాజెక్టులో అంతర్భాగం కాదని కేంద్ర జలవనరుల మంత్రిత్వశాఖ స్పష్టం చేసింది. న్యాయవాది శ్రవణ్ ఆర్టీఐ కింద అడిగిన ప్రశ్నకు కేంద్ర ప్రభుత్వం సమాధానం ఇచ్చింది. కేంద్ర జలవనరులశాఖ అమోదించిన సమగ్ర పాజెక్టు నివేదికలో పట్టిసీమ ఎత్తిపోతల పథకం లేదని తెలిపింది.

మండపేట, ఏప్రిల్ 1: తూర్పు గోదావరి జిల్లా మండపేటలోని ఓ ప్రైవేటు స్కూలు ఆవరణలోని అరటి చెట్టు ఆరు అడుగుల గెలతో అబ్బురపరుస్తోంది. గెల నేలకు తగులుతుండటంతో కర్రలతో ప్రత్యేక ఏర్పాటుచేశారు. నర్సరీల నుండి ఈ మొక్కను తీసుకొచ్చినట్టు సమాచారం. ఇంకా తయారవుతున్న దశలో ఉన్న ఈ గెలను చూడటానికి పలువురు తరలివస్తున్నారు.

ప్రత్యక్షంగా 15లక్షల మందికి ఉపాధి... పరోక్షంగా 53 లక్షల మందికి బతుకుదెరువు... రాష్ట్రానికి పన్నుల రూపంలో 30వేల కోట్ల ఆదాయం... తెలంగాణలో నెలకొల్పుతామన్న ఐటిఐఆర్‌పై అప్పటి కాంగ్రెస్ ప్రభుత్వం గుప్పించిన హామీలివి. ఇవన్నీ గాలికి కొట్టుకుపోయనట్టే కనిపిస్తోంది. ప్రస్తుత బిజెపి ప్రభుత్వం దీన్ని పట్టించుకునే పరిస్థితిలో లేదు.