హైదరాబాద్, మార్చి 29: తెలంగాణ రాష్ట్రం ఏర్పడిన సందర్భంగా మొక్కు చెల్లించుకోవడానికి తిరుపతికి ప్రత్యేక ట్రైన్‌లో వెళ్లనున్నట్టు ముఖ్యమంత్రి కె చంద్రశేఖర్‌రావు చెప్పారు. శాసనసభలో మంగళవారం ముఖ్యమంత్రి మాట్లాడుతూ, మొక్కులు చెల్లించుకోవడానికి తాను ఒక్కడినే కాకుండా పది జిల్లాల నుంచి ప్రజలను తీసుకెళ్తానని, అందుకోసం ప్రత్యేక ట్రైన్ ఏర్పాటు చేయనున్నట్టు ముఖ్యమంత్రి అన్నారు.

తిరుపతి, మార్చి 29: టిటిడి నిర్వహిస్తున్న అన్నదాన ట్రస్టుకు దాతల నుంచి భూరి విరాళాలు భారీగా అందుతున్నాయి. ఈక్రమంలో 2015-16 సంవత్సరానికి రికార్డు స్థాయిలో రూ.104.54 కోట్లు విరాళాలు అందాయి. ఈసందర్భంగా జెఇఒ శ్రీనివాసరాజు మాట్లాడుతూ టిటిడి అన్నదాన ట్రస్టుకు హెచ్‌సిఎల్ అధినేత శివనాడార్ మంగళవారం ఒక కోటి ఒక్క రూపాయి విరాళంగా ఇచ్చారని అన్నారు.

విశాఖపట్నం, మార్చి 29: ప్రపంచ ప్రఖ్యాతి గాంచిన విశాఖ జిల్లా ఏటికొప్పాక బొమ్మలు ఇక ఆన్‌లైన్‌లో అందుబాటులోకి రానున్నాయి. వందల సంవత్సరాలుగా హస్తకళా నైపుణ్యంతో రూపుదిద్దుకుంటున్న ఏటికొప్పాక బొమ్మలకు ఎంతో గిరాకీ ఉంది. వీటి విక్రయాలను అంతర్జాతీయ మార్కెట్‌కి విస్తరించాలని జిల్లా గ్రామీణాభివృద్ధి సంస్థ (డిఆర్‌డిఎ) నిర్ణయించింది.

హైదరాబాద్, మార్చి 29: విశ్వవిద్యాలయాల వైస్‌చాన్సలర్ల నియామకంలో రాజకీయాలు ఉండరాదని, గత అనుభవాల దృష్ట్యా సమర్థులైన విద్యావేత్తలను వైస్‌చాన్సలర్లను ఎంపిక చేయాలనే ఉద్దేశ్యంతో రాష్ట్రప్రభుత్వం రెండువర్శిటీల చట్టాన్ని సవరించేందుకు బిల్లులు తెచ్చిందని ముఖ్యమంత్రి కె చంద్రశేఖరరావు అన్నారు.