తిరుమల, మార్చి 26: వరుస సెలవుల నేపథ్యంలో తిరుమల కొండంతా భక్తజనంతో నిండిపోయింది. సర్వదర్శనానికి 15 గంటల సమయం పడుతుండగా కాలినడకన వచ్చే భక్తులకు 8గంటల సమయం పడుతోంది. రద్దీ పెరగడంతో తిరుమల జె ఇ ఓ శ్రీనివాసరాజు, ఆలయ డిప్యూటి ఇ ఒ చిన్నంగారి రమణలు అధికారులతో కలసి క్యూలైన్లను పరిశీలించారు. ఈసందర్భంగా భక్తులకు ఎలాంటి ఇబ్బందులు కలగకుండా తగు చర్యలు తీసుకున్నారు.

హైదరాబాద్, మార్చి 26: హైదరాబాద్ కేంద్రీయ విశ్వవిద్యాలయంలో విద్యార్ధుల సంఘర్షణ నేపథ్యంలో వైస్ ఛాన్సలర్‌ను రీ కాల్ చేయాల్సిందిగా కోరుతామని తెలంగాణ ముఖ్యమంత్రి కె. చంద్రశేఖరరావు శాసనసభలో చెప్పడంతో మరోమారు విసిల తొలగింపు అంశం తెరమీదకు వచ్చింది.

హైదరాబాద్, మార్చి 26: ఆత్మహత్య చేసుకున్న హైదరాబాద్ సెంట్రల్ యూనివర్సిటీ విద్యార్థి వేముల రోహిత్ దళితుడు కాదని, వడ్డెర అని హోంమంత్రి నాయిని నర్సింహారెడ్డి శనివారం శాసనసభలో తెలిపారు. హెచ్‌సియు సంఘటనపై వివిధ రాజకీయ పక్షాలు శనివారం శాసన సభలో వాయిదా తీర్మానానికి నోటీసు ఇచ్చాయి. ప్రభుత్వం వాయిదా తీర్మానాన్ని తిరస్కరించింది.

హైదరాబాద్, మార్చి 26 : ఆంధ్రప్రదేశ్‌లోని పట్టణ, గ్రామీణ ప్రాంతాల్లోని ప్రతి ఇంటికీ తక్కువ ధరకే బ్రాడ్‌బ్యాండ్ కనెక్టివిటీ కల్పించడమే తన లక్ష్యమని ముఖ్యమంత్రి చంద్రబాబు వెల్లడించారు. శాసనసభలో శనివారం ప్రత్యేకంగా ఈ అంశంపై ఒక ప్రకటన చేస్తూ, 15 నుండి 20 ఎంబీపిఎస్ వేగంతో గృహాలకు, 100 ఎంబీపిఎస్ నుండి ఒక జీబిపిఎస్ వేగంతో వ్యాపార, వర్తక సంస్థలకు బ్రాడ్ బ్యాండ్ అందించడమే తమ లక్ష్యమన్నారు.