హైదరాబాద్/కర్నూలు, ఫిబ్రవరి 19: ఆంధ్రప్రదేశ్‌లో రాజకీయాలు వేడెక్కుతున్నాయి. కర్నూలు జిల్లాకు చెందిన కొందరు వైకాపా ఎమ్మెల్యేలు టిడిపిలో చేరబోతున్నారన్న ప్రచారం రాజకీయవర్గాల్లో సంచలనం రేకెత్తిస్తోంది. నంద్యాల ఎమ్మెల్యే భూమా నాగిరెడ్డి, ఆయన కుమార్తె, ఆళ్లగడ్డ ఎమ్మెల్యే భూమా అఖిలప్రియ టిడిపిలో చేరడానికి రంగం సిద్ధమైందంటూ శుక్రవారం ప్రచారం భారీయెత్తున సాగింది.

హైదరాబాద్, ఫిబ్రవరి 19: అగ్రిగోల్డ్ కేసులో ఏపి సిఐడి పోలీసుల పనితీరును హైకోర్టు తీవ్రంగా తప్పుపట్టింది. నిందితులను అరెస్టు చేయడంలో పోలీసులు నిర్లిప్తంగా వ్యవహరించారని వ్యాఖ్యానించింది. నిందితుల బ్యాంకు ఖాతాలనుంచి డబ్బు వేరే ఖాతాలకు మళ్లిపోయినా గుర్తించలేకపోయారంటూ పోలీసుల తీరును తప్పుపట్టింది. పోలీసుల ధోరణి మారకపోతే దర్యాప్తు అధికారిని జైలుకు పంపించాల్సి వస్తుందని హెచ్చరించింది.

హైదరాబాద్: సీతారామ ఎత్తిపోతల పథకంగా ఇటీవల నామకరణం చేసిన ఖమ్మం జిల్లా దుమ్ముగూడెం ఎత్తిపోతల పథకం (రాజీవ్‌సాగర్, ఇందిరాసాగర్) నిర్మాణానికి రూ.7926.147 కోట్లతో పరిపాలనపరమైన అనుమతిని తెలంగాణ ప్రభుత్వం మంజూరు చేసింది. సమీకృత ఎత్తిపోతల పథకం నిర్మాణాన్ని వేగంగా చేపట్టి జిల్లాలో 5 లక్షల ఎకరాల ఆయకట్టుకు సాగు నీరు అందించే ఉద్దేశంతో తెలంగాణ ప్రభుత్వం ఈ ప్రాజెక్టుకు అనుమతి మంజూరు చేసింది.

హైదరాబాద్: పంట రుణాల మాఫీ మూడవ వాయిదా చెల్లించడానికి బడ్జెట్‌లో రూ. 4 వేల కోట్లు కేటాయించాలని ప్రభుత్వం నిర్ణయించింది. ఈ మొత్తానికి అదనంగా సుమారు మరో నాలుగు వేల కోట్లు కేటాయిస్తే రాష్ట్రంలో పంట రుణాలన్ని మాఫీ అయిపోతాయి. అయితే ఒకే దఫా పంట రుణాలను మాఫీ చేయాలంటే బడ్జెట్‌లో సుమారు రూ. 8 వేల కోట్లు కేటాయించాల్సి ఉంటుంది.