కర్నూలు: సియాచిన్ మంచు పర్వతాల్లో వీర మరణం పొందిన సైనికుడు ముస్తాక్ అహ్మద్(32) అంత్యక్రియలు ముస్లింల సంప్రదాయం ప్రకారం మంగళవారం కర్నూలు జిల్లా బండి ఆత్మకూరు మండలం పార్నపల్లె గ్రామంలో సైనిక లాంఛనాలతో నిర్వహించారు. వేలాదిగా తరలివచ్చిన ప్రజలు, నాయకులు అమర జవానుకు తుది వీడ్కోలు పలికారు.

నిజామాబాద్, ఫిబ్రవరి 15:బీడీ కట్టలపై రెట్టింపు సైజులో పుర్రె గుర్తు, క్యాన్సర్ బొమ్మలను ముద్రించాలన్న కేంద్ర నిర్ణయానికి నిరసనగా కంపెనీల యాజమాన్యాలు సోమవారం నుంచి సమ్మెకు దిగాయి. రాష్టమ్రంతటా బీడీ కంపెనీలు మూతపడటంతో లక్షలాది మంది కార్మికులు ఆందోళన బాట పట్టారు. ఐక్య కార్యాచరణగా ఏర్పడి ఉద్యమాన్ని ఉద్ధృతం చేయాలని కార్మిక సంఘాలు నిర్ణయించాయి.

హైదరాబాద్, ఫిబ్రవరి 15: బడ్జెట్ ప్రతిపాదనలపై సాగునీటి శాఖ అధికారులతో నీటిపారుదల శాఖ మంత్రి హరీశ్‌రావు సోమవారం సమీక్ష జరిపారు. ఈ సంవత్సరంలో వచ్చే ఖరీఫ్‌లో నీళ్లు ఇవ్వగలిగే ప్రాజెక్టులకు అధిక ప్రాధాన్యత ఇవ్వాలని అధికారులకు సూచించారు. నిర్మాణంలో ఉన్న ప్రాజెక్టులను పూర్తి చేసేందుకు వీలుగా బడ్జెట్ ప్రతిపాదనలు ఉండాలని అన్నారు.

హైదరాబాద్, ఫిబ్రవరి 15: ఏకీకృత సర్వీసు రూల్స్ వివాదం పరిష్కారానికి కేంద్ర హోం శాఖ అధికారులను కలిసేందుకు ఫ్యాప్టో నేతలు కత్తి నర్సింహారెడ్డి, సెక్రటరీ జనరల్ పి పాండురంగ వరప్రసాదరావు, కోచైర్మన్ పి బాబురెడ్డి ఢిల్లీ వెళ్లారు. సర్వీసు రూల్స్ వివాదం పరిష్కార కమిటీకి కన్వీనర్‌గా వ్యవహరిస్తున్న ఇంటర్మీడియట్ బోర్డు కార్యదర్శి, న్యాయసలహాదారుడు కూడా ఢిల్లీ వెళ్లారు.