హైదరాబాద్, ఫిబ్రవరి 14: సియాచిన్ ప్రమాదంలో అమరుడైన వీర సైనికుడు ముస్తాఖ్ అహ్మద్ భౌతిక కాయం సోమవారం మధ్యాహ్నం బేగంపేట విమానాశ్రయానికి రానుంది. ప్రత్యేక విమానంలో ముస్తాఖ్ భౌతికకాయాన్ని ఆర్మీ అధికారులు తీసుకురానున్నారు. మధ్యాహ్నం రెండు గంటలకు బేగంపేట విమానాశ్రయం వద్ద అమరుడు మస్తాఖ్ భౌతిక కాయానికి పలువురు అధికారులు నివాళులర్పిస్తారు.

వరంగల్, ఫిబ్రవరి 14: కోట్లాది మంది భక్తజనం ఎదురుచూస్తున్న ఉద్విగ్న క్షణాలు మరో రెండురోజుల్లో జరుగనున్నాయి...సమ్మక్క తల్లి దండాలో..సారలమ్మ తల్లి దండాలో అంటూ శివసత్తుల పూనకాలతో..జంపన్నవాగు భక్తజనంతో పులకరించేలా..మేడారం జాతర సాగుతోంది. మేడారం గుడారంలా మారనుంది. ఆదివారం నుండే భక్తులు మేడారం బాటపట్టారు. ఆర్టీసీ ప్రత్యేక బస్సులు కూడా ప్రారంభమయ్యాయి. ప్రత్యేక బస్టాండ్‌లో భక్తులు క్యూలు కడుతున్నారు.

గోవిందరావుపేట, ఫిబ్రవరి 14: వరంగల్ జిల్లాలో మేడారం సమ్మక్క-సారలమ్మ తల్లుల రాకకు ముందు నుండి భక్తులు భారీగా మేడారం తరలివస్తుండగా ఆదివారం ఈ సంఖ్య మరింత భారీగా పెరిగింది. ఆదివారం సుమారు అయిదు లక్షల మంది భక్తులు మేడారం సమ్మక్క-సారలమ్మ తల్లులను దర్శించుకున్నట్టు సమాచారం. వేలాది ప్రయివేటు వాహానాలతో పాటు ఆర్టీసీ బస్సులలో భక్తులు ఆదివారం పెద్ద సంఖ్యలో తరలివచ్చారు.

కుప్పం, ఫిబ్రవరి 14: దేశ సేవలో పాలుపంచుకుంటూ స్వగ్రామానికి వచ్చిన తన భర్తను అక్రమంగా పోలీసులు నిర్బంధించారని ఓ జవాన్ భార్య కుప్పం పోలీస్‌స్టేషన్ ఎదుట చంటిబిడ్డతో బైఠాయించిన సంఘటన ఆదివారం చోటుచేసుకుంది. ఇందుకు సంబంధించిన వివరాలిలా ఉన్నాయి. చిత్తూరు జిల్లా పలమనేరు పట్టణానికి చెందిన నారాయణ, కుప్పం మండలం గుత్తాలపల్లెకు చెందిన హైమావతికి ఐదేళ్ల క్రితం వివాహమైంది.