నిజామాబాద్, జనవరి 24: ఆడపిల్లలుగా పుట్టడమే వారి పాలిట శాపమైంది. తల్లి పొత్తిళ్లలో వెచ్చగా సేదదీరాల్సిన శిశువులు, అందరూ ఉండి కూడా అనాథలుగా మారారు. ఇద్దరు ఆడపిల్లలు కవల సంతానంగా జన్మించడంతో, సదరు చిన్నారులను వారి తల్లిదండ్రులు, కుటుంబీకులు ఆసుపత్రిలోనే వదిలేసి వెళ్లిపోయారు. నిజామాబాద్ నగరంలోని హమాల్‌వాడి ప్రాంతానికి చెందిన సునీత అనే మహిళకు జన్మించినట్టు ఆసుపత్రి వర్గాలు అనుమానిస్తున్నాయి.

హైదరాబాద్, జనవరి 24: గణతంత్ర దినోత్సవం సందర్భంగా నగరంలో పేలుళ్లకు కుట్ర పన్నిన ఐసిస్ సానుభతూతిపరులను ఎన్‌ఐఏ అధికారులు నాంపల్లి కోర్టులో హాజరు పరచి ఢిల్లీకి తీసుకెళ్లిన విషయం విదితమే. టోలిచౌకి ప్రాంతానికి చెందిన నఫీజ్‌ఖాన్, అబూ అమాస్, షరీఫ్ మోహియుద్దీన్, ఉబేదుల్లాను జాతీయ దర్యాప్తు సంస్థ (ఎన్‌ఐఏ) అరెస్టు చేయడంతో నగరం ఒక్కసారిగా ఉలిక్కి పడింది.

హైదరాబాద్, జనవరి 24: ఆత్మహత్య చేసుకున్న సెంట్రల్ వర్శిటీ విద్యార్ధి రోహిత్ వేముల ఫేస్‌బుక్‌లో పేర్కొన్న అంశాలను విశే్లషిస్తే అతని అంతరంగంలో తలెత్తిన కల్లోలం, ఆటుపోట్లు, మానసిక సంఘర్షణ విదితమవుతాయి. 2013 మేలో ఫేస్‌బుక్‌లో రోహిత్ ఇలా రాశారు. ‘నా తల్లి పవిత్రమైన మాతృమూర్తి. నాకు జీవితమంటే విరక్తి పుట్టినప్పుడల్లా నా తల్లిని తలుచుకుంటాను. ఆమె జ్ఞాపకాలనుంచి స్ఫూర్తి పొందుతుంటాను.

మహబూబ్‌నగర్, జనవరి 24: అడవుల్లో నివసించే చెంచుల ఆరోగ్య పరిరక్షణకు తెలంగాణ రచయితల వేదిక నడుం బిగించింది. మహబూబ్‌నగర్ జిల్లా నల్లమల లోతట్టు అటవీ ప్రాంతంలోని అప్పాపూర్ చెంచుపెంటల్లో ఆదివారం వైద్య శిబిరం నిర్వహించి రెండు వందలమందికి పైగా ఆదివాసీలకు చికిత్స అందించింది.