వరంగల్, జనవరి 23: కేంద్ర ప్రభుత్వం ప్రవేశపెట్టిన నూతన పెన్షన్ విధానాన్ని రద్దు చేయాలని నిజామాబాద్ ఎంపి కల్వకుంట్ల కవిత అన్నారు. శనివారం వరంగల్ నేషనల్ ఇన్‌స్టిట్యూట్ ఆఫ్ టెక్నాలజీ ఆడిటోరియంలో రెండు రోజుల పాటు జరుగనున్న జాతీయ మహిళా సదస్సును ఆమె ప్రారంభించారు. మహిళలకు 33 శాతం రిజర్వేషన్ల కోసం పోరాడుతామన్నారు.

విశాఖపట్నం, జనవరి 23: లోక్‌నాయక్ ఫౌండేషన్ 12వ వార్షికోత్సవాన్ని పురస్కరించుకుని శనివారం రాత్రి విశాఖలో జరిగిన కార్యక్రమంలో సుప్రసిద్ధ అవధాని గరికపాటి నర్సింహరావుకు లోక్‌నాయక్ సాహిత్య పురస్కారంతోపాటు రూ.1.50 లక్షల నగదును, రైల్వే కార్మిక నేత చలసాని గాంధీకి జీవిత సాఫల్య పురస్కారంతోపాటు రూ.50 నగదును అందజేశారు.

హైదరాబాద్, జనవరి 23 : ఆంధ్రప్రదేశ్ రాష్ట్ర పరిపాలనలో ఇన్‌ఫర్మేషన్ టెక్నాలజీ (ఐటి) ని అడుగడుగునా వినియోగించుకునే ప్రణాళికలో భాగంగా ఈ నెల 29 న తిరుపతిలో ‘ఎలెట్స్ ఇ-గవ్’ పేరుతో ఐటిసి సింపోజియం ఏర్పాటు చేస్తున్నారు. జాతీయస్థాయి, అంతర్జాతీయ స్థాయిలో పేరుప్రఖ్యాతులున్న అనేక సంస్థలు పాల్గొంటున్నాయని రాష్ట్ర ఐటి సలహాదారు జె. సత్యనారాయణ తెలిపారు.

ఖమ్మం, జనవరి 23: గణతంత్ర దినోత్సవాలను పురస్కరించుకొని జరుగుతున్న ఆటల పోటీల్లో అపృశృతి చోటు చేసుకుంది. ప్రైవేటు పాఠశాలలో నిర్వహించిన పోటీల్లో ఓ విద్యార్థి మృతి చెందిన సంఘటన ఖమ్మం జిల్లా జూలూరుపాడులో చోటు చేసుకుంది. స్థానికుల కథనం ప్రకారం జూలూరుపాడులోని ఓ ప్రైవేటు పాఠశాలలో ఖోఖో ఆడుతుండగా ఇద్దరు తోటి ఆటగాళ్లు బలంగా తగలడంతో 7వ తరగతి విద్యార్థి భద్రాచలం స్పృహ తప్పి పడిపోయాడు.